Այսօր առավոտյան Հայաստան կժամանի Իտալիայի պաշտպանության նախարար Ջիամպաոլո Դի Պաոլան: Այցի ընթացքում նախատեսվում են հանդիպումներ ՀՀ նախագահ Սերժ Սարգսյանի, պաշտպանության նախարար Սեյրան Օհանյանի եւ արտաքին գործերի նախարար Էդվարդ Նալբանդյանի հետ:
Հանդիպումների ընթացքում նախատեսվում են քննարկումներ պաշտպանական բնագավառում հայ-իտալական երկկողմ համագործակցությանն ու տարածաշրջանային անվտանգությանն առնչվող հարցերի շուրջը: Կստորագրվի երկու երկրների կառավարությունների միջեւ պաշտպանության ոլորտում համագործակցության համաձայնագիր:
Այցի ընթացքում Ջիամպաոլո Դի Պաոլան կհանդիպի Ամենայն հայոց կաթողիկոս Գարեգին Բ-ին:
Հ. Հ.