ՍԵԴԱ ԱԶՆԱՎՈՒՐԸ ՀԵՐՔՈՒՄ Է ՔՐՈՋ ՀԱՎԱՏԱՓՈԽ ԼԻՆԵԼՈՒ ԼՈՒՐԸ ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Շանսոնի աշխարհահռչակ հեղինակ եւ կատարող Շառլ Ազնավուրի դուստրը` Սեդա Ազնավուրը հերքում է քրոջ` Կատյա Ազնավուրի հավատափոխ լինելու մասին լուրը: «Facebook-ի իմ ընկերներին ցանկանում եմ տեղեկացնել, որ մենք Ազնավուր ենք` ծագումով հայ, քրիստոնյա, մասնավորապես Գրիգորյան ուղղափառ: Մի մոռացեք, որ Հայաստանը քրիստոնեությունն առաջինն ընդունած պետությունն է, եւ մեր նախնիները զոհվել են իրենց հավատի համար: Մենք հպարտ ենք լինել մի ժողովրդի մասնիկը, որը հավատարիմ է իր արմատներին: Ուրեմն` մշտապես մի հավատացեք նրան, ինչ գրում են թերթերը: Մենք` Ազնավուրներս, երբեք այլ հավատ չենք ունենա: Ինչո՞ւ լինենք հավատափոխ, չէ որ այն ստացել ենք ժառանգաբար: Իմ հայրիկը գրել է «Ավե Մարիա», դրանով ամեն ինչ ասված է»,- «Արմենպրես»-ի փոխանցմամբ` ֆեյսբուք սոցիալական ցանցի իր էջում գրել է Սեդա Ազնավուրը: Ադրբեջանական լրատվամիջոցներն օրեր առաջ տեղեկություն էին տարածել (հայկականներն արտատպել էին), թե իբր Կատյան ամուսնացել է ալժիրցու հետ եւ մուսուլման է դարձել: |
