«ՈՂՋ ԿՅԱՆՔԸ ԾՊՏՅԱԼ»` ԱՆԴՐԱԴԱՐՁ ԹՈՒՐՔԻԱՅԻ ՀԱՅԵՐԻՆ ԱՆԱՀԻՏ ՀՈՎՍԵՓՅԱՆ, Գերմանիա, http://www.faz.net/aktuell/reise/tuerkei-armenien-ein-leben-lang-versteckt-12091885.html Գերմանական «Ֆրանկֆուրտեր ալգեմայնե ցայթունգը» («ՖԱՑ») փետրվարի 23-ին անդրադարձել է Թուրքիայում ծպտյալ հայերի խնդրին: Օսմանյան կայսրությունում հայոցՙ 100 տարին բոլորող ցեղասպանությունից հետո ավելի ու ավելի է շատանում իրենց հայկական ծագումը ճանաչող թուրքերի թիվը, գրում է թերթը: Շատ վերապրողների վախն է ստիպել թուրքի անվան տակ իսլամ ընդունել: Սա իհարկե նշան չէ, թե Թուրքիան պաշտոնական ճանաչման է ձգտում: Բայց կառավարությունը քրիստոնյա փոքրամասնության հանդեպ քայլ արել էՙ բռնագրավված սեփականության մի մասը վերադարձնելով նաեւ հայերին: Հենց այս հանգամանքով է պայմանավորված, ծպտյալ վիճակից դուրս գալու շատերի համարձակությունը նաեւ նրանց բուն բնակության վայր Արեւելյան Անատոլիայում, որտեղ, կարծում էին, թե հայ այլեւս չի կարող ապրել, գրում է թերթը: «ՖԱՑ»-ն իր հրապարակմանը կցել է նաեւ «Դոյչե վելլեի» նույն թեմայով ֆիլմը, որ իր կայքէջում զետեղել է նաեւ «Դի վելթը»: Գերմանական վերոհիշյալ անդրադարձը հետաքրքրական է նաեւ նրանով, որ այս օրերին Թուրքիայում է ԳԴՀ կանցլեր Անգելա Մերկելը: Ստորեւՙ այդ կայքի հասցեն: | 
