70 ՁԵՐԲԱԿԱԼՈՒԹՅՈՒՆ «ԴԵԴ ՀԱՍԱՆԻ» ՔԱՌԱՍՈՒՆՔԻ ՕՐԸ Մոսկվայի հարավ-արեւմուտքում գտնվող «Կորստոն» հյուրանոցում փետրվարի 25-ին «Դեդ Հասանի» մահվան քառասունքի կապակցության անցկացված գողական հավաքի օրը ոստիկանությունը կալանավորել է 70 անձանց: Սգո միջոցառումն օգտագործվել է Ուսոյանի քրեական կլանի ընթացիկ հարցերի լուծման նպատակով: Կալանավորներին տարել են ոստիկանության բաժանմունքներ, որտեղ նրանց ստուգում են ըստ իրավապահ մարմինների հաշվառման եւ մատնահետքեր են վերցնում: «Դեդ Հասանը» համարվում էր ամենաազդեցիկ քրեական հեղինակությունը հետխորհրդային տարածքում: Հունվարի 16-ին նշանառուն 75-ամյա Ուսոյանին գնդակահարեց այն պահին, երբ նա դուրս էր գալիս մոսկովյան մի ռեստորանից: «Դեդ Հասանի» վրա նախորդ մահափորձը կատարվել էր 2010-ի սեպտեմբերին: Այն ժամանակ նա վիրավորվել էր որովայնից, բայց ողջ էր մնացել: | 
