ՄԽԻԹԱՐՅԱՆԸ «ՇԱԽՏՅՈՐԻ» ՍՏՈՒԳՈՂԱԿԱՆ ՀԱՆԴԻՊՈՒՄՆԵՐԻ ԼԱՎԱԳՈՒՅՆ ՌՄԲԱՐԿՈՒՆ Է Դոնեցկի «Շախտյորն» ավարտեց ուսումնամարզական 3-րդ հավաքը, որն անցկացվեց Թուրքիայում: Մինչ այդ թիմը հավաքներ էր անցկացրել Արաբական Միացյալ Էմիրություններում եւ Իսպանիայում: Ընդհանուր առմամբ ձմռան նախապատրաստական շրջանում «Շախտյորը» 18 ստուգողական խաղ անցկացրեց, որից 13-ում հաղթեց, 2-ն ավարտեց ոչ-ոքի, կրեց 3 պարտություն: Ուկրաինական ակումբը մրցակիցների դարպասը խփեց 35 գոլ, բաց թողեց 15-ը: Այդ հանդիպումներում առավել արդյունավետ է գործել Հենրիխ Մխիթարյանը, որն անցկացրած 10 խաղում 7 գոլի հեղինակ է դարձել: Ուկրաինայի առաջնության լավագույն ռմբարկուն դարձել է եգիպտական «Զամալեկի», ռուսական «Զենիթի» ու ԲԿՄԱ-ի դարպասները խփած հաղթական գոլերի հեղինակ: Մարտի 1-ին վերսկսվում է Ուկրաինայի առաջնությունը: Այդ օրը «Շախտյորը» կմրցի Լուցկի «Վոլինի» հետ: Իսկ մարտի 5-ին «Շախտյորին» լուրջ փորձություն է սպասում Դորտմունդում, որտեղ թիմն անցկացնելու է չեմպիոնների լիգայի 1/8 եզրափակիչի պատասխան հանդիպումը: Հիշեցնենք, որ Դոնեցկում խաղն ավարտվել էր ոչ-ոքիՙ 2-2: | 
