ՀԱՅ ՇԱԽՄԱՏԻՍՏՆԵՐԻՑ ԵՐԵՔԸ ԳԼԽԱՎՈՐՈՒՄ ԵՆ ԱՂՅՈՒՍԱԿԸ Ֆրանսիայի Քափել լա Գրանդ քաղաքում ընթացող շախմատի մրցաշարի 5-րդ տուրում Սամվել Տեր-Սահակյանը ոչ-ոքի խաղաց Յուրի Վովկի հետ: Սամվելը 4 միավորով 25 շախմատիստների հետ շարունակում է գլխավորել աղյուսակը: Առաջատարների թվում է նաեւ ֆրանսահայ գրոսմայստեր Տիգրան Ղարամյանը, որը հաղթեց Անդրեյ Բարիշպոլետսին: 4 միավորով առաջատարներին է միացել նաեւ միջազգային վարպետ Կարեն Գրիգորյանը, որը պարտության մատնեց հնդիկ գրոսմայստեր Կրիշնան Սասիկիրանին: 3,5-ական միավորով առաջատարներին հետապնդող շախմատիստների թվում են Էլինա Դանիելյանն ու Դավիթ Հարությունյանը: Էլինան հաշտություն կնքեց Մարտին Կրավցիվի հետ, իսկ Դավիթը պարտության մատնեց Քուենտին Լուիսեաուին: Ռոբերտ Աղասարյանը, Հովհաննես Գաբուզյանն ու Կարինա Համբարձումովան վաստակել են 3-ական միավոր: Աղասարյանը հաղթեց Լիզա Հորտենսիուսին, Համբարձումովան առավելության հասավ Ռեմել Օնեյի նկատմամբ, իսկ ահա Գաբուզյանը հաշտություն կնքեց Հեյկի Վեստերինենի հետ: 2,5 միավոր ունի Եվգենիա Դոլուխանովան, որը պարտվեց Չարլ Մոնրոյին: 6-րդ տուրում ուշադրության կենտրոնում կլինի Սամվել Տեր-Սահակյանի եւ Տիգրան Ղարամյանի մրցավեճը: Գրիգորյանի մրցակիցը կլինի Միխայիլ Գուրեւիչը: | 
