ՀԱՅ ՇԱԽՄԱՏԻՍՏՆԵՐԻՑ ԼԱՎԱԳՈՒՅՆԸ ՊԵՏՐՈՍՅԱՆԻ ԱՐԴՅՈՒՆՔՆ Է Իրանի Ռաշտ քաղաքում ընթացող շախմատի միջազգային մրցաշարի 7-րդ տուրում Մանուել Պետրոսյանը սեւերով հաղթեց Ասգար Գոլիզադեհին ու վաստակեց 5 միավոր: Մրցաշարին մասնակցող հայ շախմատիստների մեջ սա լավագույն արդյունքն է: 4,5-ական միավոր ունեն Սիմոն Մկրտչյանը, Սեդրակ Մաթեւոսյանն ու Վահե Բաղդասարյանը: Այս եռյակից տուրը հաջող էր միայն Վահեի համար, որը հաղթեց Ալիզադեհին: Իսկ ահա Մաթեւոսյանն ու Մկրտչյանը պարտվեցին համապատասխանաբար Զաուր Մամադովին եւ Արաշ Ռոգհանիին: Սարգիս Մանուկյանը վաստակել է 4 միավոր: 3,5-ական միավոր ունեն Նորայր Թորոսյանն ու Մարիա Գեւորգյանը, իսկ Արմինե Բաբայանի օգտին գրանցված է 2 միավոր: Մրցաշարային աղյուսակը 6-ական միավորով գլխավորում են իրանցիներ Հոմայուն Տուֆիգին եւ Համեդ Մուսավիանը, ինչպես նաեւ ադրբեջանցի Միսրադին Իսկանդարովը: | 
