ԳՐԻԳՈՐ-ՍԵՎԱԿ ՄԽԻԹԱՐՅԱՆԸ ԲՐԱԶԻԼԻԱՅԻ ՉԵՄՊԻՈՆ Գրոսմայստեր Գրիգոր-Սեւակ Մխիթարյանը գերազանց հանդես եկավ Մոնտենեգրո քաղաքում անցկացված Բրազիլիայի շախմատի առաջնությունումՙ նվաճելով չեմպիոնի տիտղոսը: 12 մասնակիցների միջեւ շրջանաձեւ մրցակարգով անցկացված մրցաշարում բրազիլահայ շախմատիստը 11 հնարավորից վաստակեց 8,5 միավոր: Նա կես միավորով գերազանցեց 2-րդ եւ 3-րդ տեղերը գրաված միջազգային վարպետ Ամորիմ Բարբոսային եւ Մաթեուս Մենդոնկային: Մխիթարյանն անհաջող մեկնարկեցՙ հաշտություն կնքելով Ամորիմ Բարբոսայի հետ ու պարտվելով Յագո Սանտյագոյին: Անհաջողությունը չընկճեց հայ շախմատիստին, որը հաջորդ 7 տուրերում մեկը մյուսի հետեւից պարտության մատնեց Ֆլավիո Օլիվենցիային, Լուիսմար Բրիտոյին, Ֆելիպե Մենային, Կլաուս Գոթզին, Բրիտո Մոլինային, Կաստրո Կարնեյրոյին եւ Մաքսիմո Մաչեդոյին: Ավարտական 2 տուրերում Մխիթարյանը հաշտություն կնքեց Մաթեուս Մենդոնկայի եւ Անդրեյ Սոուզայի հետ: | 
