ՀԱՅ ՇԱԽՄԱՏԻՍՏՆԵՐԻ ԵՌՅԱԿԸ ՀԵՏԱՊՆԴՈՒՄ Է ԱՌԱՋԱՏԱՐՆԵՐԻՆ Իրանի Ռաշտ քաղաքում ընթացող շախմատի մրցաշարի 8-րդ եւ 9-րդ տուրերի մրցախաղերից հետո հայ շախմատիստներից լավագույն արդյունքն ունեն Սիմոն Մկրտչյանը, Վահե Բաղդասարյանն ու Սարգիս Մանուկյանը, որոնք վաստակել են 6-ական միավոր: Մկրտչյանը ոչ-ոքի խաղաց Շահին Սադեհի հետ ու հաղթեց Միխայիլ Մոզարովին: Նույն սցենարով ընթացան Բաղդասարյանի պարտիաները Մեհդի Հուսեյնիպուրի եւ Մուրադ Նուրիի հետ: Իսկ ահա Մանուկյանը 2 հաղթանակ տոնեց Սաիդ Արաբիի եւ Մեհդի Մահդավիրադի հետ պարտիաներում: Հայ շախմատիստների եռյակը մեկ միավորով է զիջում աղյուսակը գլխավորող իրանցիներ Հոմայուն Տուֆիգիին, Արաշ Ռոգհանիին, Համեդ Մուսավիանին, Պոուրիա Դարինիին, վրացի Շոթա Ազալաձեին եւ ադրբեջանցի Միսրադին Իսկանդարովին: Մանուել Պետրոսյանն ունի 5,5 միավոր, Նորայր Թորոսյանըՙ 5: 4,5 միավոր է վաստակել Սեդրակ Մաթեւոսյանը, 3,5ՙ Մարիա Գեւորգյանը, 3ՙ Արմինե Բաբայանը: |
