«Grand Street Jam» ՊԱՐԱՅԻՆ ՄՐՑՈՒՅԹԸ ԴԻՆԱՄՈ ՄԱՐԶԱԴԱՀԼԻՃՈՒՄ http://www.facebook.com/events/139323239570548/ Մարտի 30-ին Դինամո մարզադահլճը պարի սիրահարներին հրավիրում է ներկա լինելու breakdance պարաոճում կայանալիք մրցույթին (սկիզբը ժամը 11:00, ֆինալը ժամը 16:00): «Hip-HopCongres Armenia» հ/կազմակերպության կողմից կազմակերպված այս մրցույթն իր շուրջ կհամախմբի 200-ից ավել մասնակցի: Ժյուրիի աշխատանքներին կմասնակցեն տարբեր երկրներից մասնագետներ: Սա Հայաստանում 1-ին պաշտոնական մրցույթն է, որը կխթանի Հայաստանում այդ պարաոճի զարգացմանը, փորձի փոխանակմանը, կնպաստի շնորհալի երիտասարդների բացահայտմանը: Հայաստանում պարային հեղափոխություն տեղի ունեցավ նաեւ 2012-ին փողոցային պարերի առկայությամբ, երբ կազմակերպությունը հանդես եկավ աննախադեպ «Armenian Street Dance Contest» պարային մրցույթով: Փողոցային պարերը, որոնք արդեն հայտնի են ամբողջ աշխարհում, Հայաստանում եւս շատ լավ ընդունվեցին: |
