ԼԻԼԻԹ ՄԿՐՏՉՅԱՆԸ ՀԵՏԱՊՆԴՈՒՄ Է ԱՌԱՋԱՏԱՐԻՆ Հնդկաստանում ընթացող շախմատի մրցաշարի 7-9-րդ տուրերը հաջող էին Լիլիթ Մկրտչյանի համար: Հաղթելով Քրիստինա Ֆոյսորին եւ Մանիշա Կիրանին, հաշտություն կնքելով Էշա Կարավադեի հետ, Լիլիթը վաստակեց 6 միավոր ու տեղափոխվեց 2-րդ հորիզոնական: Հայ շախմատիստուհին ընդամենը մեկ միավոր է զիջում ռուսաստանցի Օլգա Գիրյային: Էլինա Դանիելյանը վերջին 3 տուրերում 1,5 միավոր վաստակեց: Նա հաղթեց Ռութ Ռադմինիին, պարտվեց Քի Գուոյին եւ ոչ-ոքի խաղաց Օլգա Գիրյայի հետ: Էլինան 4,5 միավորով 6-րդ տեղում է: | 
