ՄՐՑԱՀԱՐԹԱԿ ԴՈՒՐՍ ԿԳԱՆ 3 ՀԱՅ ԾԱՆՐՈՐԴՆԵՐ Պերուի մայրաքաղաք Լիմայում այսօր մեկնարկում է ծանրամարտի աշխարհի մինչեւ 20 տարեկանների առաջնությունը: Հայաստանն այդ մրցումներին կներկայացնեն 3 ծանրորդներ: Մրցահարթակ դուրս կգան անցյալ տարվա աշխարհի եւ Եվրոպայի պատանիների չեմպիոն ու ռեկորդակիր Անդրանիկ Կարապետյանը (77 կգ), պատանիների Եվրոպայի չեմպիոն, աշխարհի երիտասարդական առաջնության բրոնզե մրցանակակիր Գոռ Մինասյանը (գերծանրքաշ) եւ Եվրոպայի պատանիների կրկնակի չեմպիոնուհի Իզաբելա Յայլյանը (58 կգ): Հավաքականի անդամներին մրցահարթակ կուղեկցի թիմի մարզիչ Մելիք Ղուկասյանը: Իսկ պատվիրակության ղեկավարը ծանրամարտի հանրապետական ֆեդերացիայի գլխավոր քարտուղար Փաշիկ Ալավերդյանն է: | 
