3 ՀԱՅ ՇԱԽՄԱՏԻՍՏՆԵՐ ԳԼԽԱՎՈՐՈՒՄ ԵՆ ԱՂՅՈՒՍԱԿԸ Լեհաստանում անցկացվող շախմատի Եվրոպայի անհատական առաջնության 2-րդ տուրում Վլադիմիր Հակոբյանն առաջին հաղթանակը տարավՙ առավելության հասնելով Վալերի Նեւետովի նկատմամբ: Հակոբյանը վաստակեց 1,5 միավոր: 2-ական միավորով աղյուսակը գլխավորող 33 շախմատիստների թվում են Տիգրան Պետրոսյանը, Ավետիք Գրիգորյանը եւ Արման Փաշիկյանը: Պետրոսյանը հաղթեց Մարտին Կրամերին, Գրիգորյանը պարտության մատնեց Միչել Գոդենային, իսկ Փաշիկյանն առավելության հասավ Ալեքսանդրու Ստանկիուի նկատմամբ: Իրենց անդրանիկ հաղթանակները տոնեցին Զավեն Անդրեասյանը, Կարեն Գրիգորյանն ու Էլինա Դանիելյանը: Գաբրիել Սարգսյանը, Սերգեյ Մովսիսյանը, Հրանտ Մելքումյանը, Ռոբերտ Հովհաննիսյանը եւ Հովհաննես Գաբուզյանը իրենց պարտիաներն ավարտեցին ոչ-ոքի: Պարտություններ կրեցին Ռոբերտ Աղասարյանն ու Վլադիմիր Պողոսյանը: | 
