ԴԱՐՉԻՆՅԱՆԸ ՆՈԿԱՈՒՏԻ ԵՆԹԱՐԿԵՑ ՄԵՔՍԻԿԱՑՈՒՆ Քաշային 2 կարգերում աշխարհի նախկին չեմպիոն Վախթանգ Դարչինյանը, որը վերջերս պայմանագիր է կնքել Top Rank պրոմոութերական ընկերության հետ, ԱՄՆ-ի Լադերո քաղաքում անցկացրած 10-ռաունդանոց մենամարտում նոկաուտի ենթարկեց մեքսիկացի Խավիեր Գալոյին: 37-ամյա հայ բռնցքամարտիկի առավելությունը զգալի էր: Մենամարտի ընթացքում 29-ամյա Գալոն մի քանի անգամ հայտնվեց նոկդաունում: Իսկ երբ 4-րդ ռաունդում Վախթանգի հուժկու հարվածից հետո նա 4-րդ անգամ հայտնվեց ռինգի հատակին, մենամարտը դադարեցվեց: Պրոֆեսիոնալ ռինգում դա Դարչինյանի 45-րդ մենամարտն էր, որում հայ բռնցքամարտիկը 39-րդ հաղթանակը տոնեց: 1 մենամարտ ավարտվել է ոչ-ոքի, 5-ում Վախթանգը պարտվել է: Մեքսիկացի բռնցքամարտիկը 7-րդ պարտությունը կրեց անցկացրած 26 մենամարտերում: Նա տոնել է 18 հաղթանակ, մեկ մենամարտ ավարտել է ոչ-ոքի: | 
