«ՀԱՅՌՈՒՍԳԱԶԱՐԴՆ» ԱՌԱՋԱՐԿՈՒՄ Է ԲԱՐՁՐԱՑՆԵԼ ԳԱԶԻ ԳԻՆԸ Ա. Մ. «Հայռուսգազարդը» դիմել է ՀՀ հանրային ծառայությունները կարգավորող հանձնաժողովին` առաջարկելով գազի սակագինը ներկայիս 132 հազար դրամից բարձրացնել 221 հազար դրամի: Այդ մասին տեղեկանում ենք «Հայռուսգազարդ»-ի կայքից: Այդ գինն առաջարկվում է ամսական մինչեւ 10 հազար նորմալ խորանարդ մետր սպառում ունեցող սպառողներին (բաժանորդներին) վաճառվող յուրաքանչյուր հազար նորմալ խորանարդ մետր բնական գազի դիմաց: Ամսական 10 հազար նորմալ խորանարդ մետր եւ ավելի սպառում ունեցող սպառողներին (բաժանորդներին) վաճառվող յուրաքանչյուր հազար նորմալ խորանարդ մետր բնական գազի սակագինը հաշվարկվելու է ըստ համապատասխան բանաձեւի: | 
