ՀԱՂԹՈՂԻՆ ԿԱՆՎԱՆԻ ԱՎԱՐՏԱԿԱՆ ՏՈՒՐԸ Մեկօրյա հանգստից հետո Ստավանգերի շախմատի մրցաշարի մասնակիցները կրկին նստեցին խաղասեղանների շուրջն` անցկացնելով նախավերջին` 8-րդ տուրի հանդիպումները: Լեւոն Արոնյանը սեւերով 41-րդ քայլին հաշտություն կնքեց Վեսելին Թոփալովի հետ ու վաստակեց 4,5 միավոր: Մրցաշարի միանձնյա առաջատար Սերգեյ Կարյակինը պարտվեց Պյոտր Սվիդլերին: Նա ունի 5,5 միավոր: 2-րդ անընդմեջ հաղթանակը տոնեց Վիշվանաթան Անանդը, որի մրցակիցը մրցաշարի հետնապահ Յոն Լյուդվիգ Համերն էր: Վերջինս 3-րդ անընդմեջ պարտությունը կրեց: Անանդը վաստակեց 5 միավոր: Հիկարու Նակամուրան էլ հաղթեց Թեյմուր Ռաջաբովին: Համարը տպագրության ուղարկելու պահին Մագնուս Կառլսենի եւ Վան Հաոյի մրցավեճը դեռ շարունակվում էր: Այսօր կայանալիք ավարտական տուրում ուշադրության կենտրոնում կլինի Լեւոն Արոնյանի եւ Մագնուս Կառլսենի մրցավեճը: Կարյակինը կխաղա Թոփալովի հետ, Անանդի մրցակիցը կլինի Վան Հաոն: | 
