ՎԱՐՈՒԺԱՆ ՀԱԿՈԲՅԱՆԸ ԶԲԱՂԵՑՐԵՑ 3-ՐԴ ՏԵՂԸ Լաս Վեգասում անցկացված շախմատի մրցաշարում Վարուժան Հակոբյանը 6 հնարավորից վաստակած 5 միավորով լրացուցիչ գործակիցներով գրավեց 3-րդ տեղը: Նույնպիսի արդյունքի հասան նաեւ մրցաշարի հաղթող Ուեսլի Սոն, Յան Էլվեստը, Ալեխանդրո Ռամիրեսը, Մանուել Լեոն Հոյոսը եւ Էնրիկո Սեւիլյանոն: Հակոբյանը հաղթեց Ալիսա Մելեխինային, Նիկ Ռապտիսին, Ջուլիան Լանդավին, Նիկ Ֆիրմիանին եւ Վիկտոր Միխալեւսկուն: Միակ պարտությունը նա կրեց 3-րդ տուրում Միխեիլ Կեկելիձեից: Հակոբյանը 2175 դոլար պարգեւավճար ստացավ: Տաթեւ Աբրահամյանը 4 միավորով 91 մասնակիցների մեջ գրավեց 22-րդ տեղը: Նա պարգեւատրվեց 114 դոլարով: | 
