Տեղադրվել է` 2013-06-17 23:39:26 (GMT +04:00)

Ընթերցված է` 1026, Տպվել է` 35, Ուղարկվել է էլ.փոստով` 34

ՆՈՐ ՈՒՍՈՒՄՆԱՍԻՐՈՒԹՅՈՒՆՆԵՐԻ ԱՆՀՐԱԺԵՇՏՈՒԹՅՈՒՆ ԿԱԹՆԱՄԹԵՐՔԻ ՇՈՒԿԱՅՈՒՄ

«Իրազեկ եւ պաշտպանված սպառող» հասարակական կազմակերպություն

2013 թ.-ի մայիս ամսին կաթնամթերքի շուկայում գների թանկացումից հետո համապատասխան պետական լիազոր մարմինների ուսումնասիրությամբ պարզվել էր, որ վերջին ժամանակաշրջանում նույն շուկայում գրանցվել է գների նվազեցում:

«Իրազեկ եւ պաշտպանված սպառող» հասարակական կազմակերպության դիտարկումներով պարզվել է, որ 2013 թ.-ի մայիսի 10-ից մինչ օրս կաթնամերքը թանկացել է 8-12 %-ով (առանձին դեպքերումՙ մինչեւ 15%) եւ մինչ օրս որեւիցե փոփոխության չի ենթարկվել. ընդ որումՙ հավասարապես թանկացել են թե՛ այն կաթնամթերքները, որոնցում օգտագործվում է նաեւ չոր կաթ (թերեւս արտադրողներն իրենց արդարացնում էին հումքիՙ կաթի փոշու թանկացմամբ), թե՛ այն կաթնամթերքը, որը պատրաստված է բացառապես կովի անարատ կաթից (երբ կաթի մթերման գինը նվազել է):

Համապատասխան պետական լիազոր մարմինների գրանցած գների նվազումը ոչ մի կապ չունի արտադրողների սահմանած առաքման նոր գնի հետ եւ ուղղակիորեն պայմանավորված է իրացման ցանցի գնային քաղաքականությամբ:

Ակնկալում ենք, որ վերոնշյալ փաստերով համապատասխան պետական լիազոր մարմինները կիրականացնեն նոր ուսումնասիրություններ եւ գործողություններ:

Տեղեկատու հեռ.ՙ (+37410) 430-930