ՆԱԶԱՐՅԱՆՆ ՈՒ ԴԱՎԹՅԱՆԸ ԿՄԱՍՆԱԿՑԵՆ ԱՇԽԱՐՀԻ ԱՌԱՋՆՈՒԹՅԱՆԸ Բրազիլիայի Ռիո դե Ժանեյրո քաղաքում կայանալիք ձյուդոյի աշխարհի առաջնությունում Հայաստանը կներկայացնեն մեր 2 առաջատար ձյուդոյիստներ Հովհաննես Դավթյանն ու Արմեն Նազարյանը: Դավթյանը տատամի դուրս կգա օգոստոսի 26-ինՙ մասնակցելով մինչեւ 60 կգ քաշային ձյուդոյիստների մրցավեճին: Հաջորդ օրը մեդալների համար պայքարը կսկսի 66 կգ քաշային Արմեն Նազարյանը: Նախնական հայտերով առաջնության պարգեւների համար մրցավեճի կբռնվեն 124 երկրների 779 ձյուդոյիստներ: Մեր ձյուդոյիստները հավաքականի գլխավոր մարզիչ Տիգրան Բաբայանի գլխավորությամբ հուլիսին համատեղ ուսումնամարզական հավաք են անցկացրել Սոչիում, ապա օգոստոսի 7-18-ը մարզումները շարունակել են Աբովյանում: | 
