ՆԱԼԲԱՆԴՅԱՆԸ ՀԱՅԱՍՏԱՆԻ «ՀՆԱՐԱՎՈՐ ԲՈԼՈՐԸ» ՏԱՐԵԼ ԷՐ ԲՐՅՈՒՍԵԼ

RSS | FACEBOOK | NLA

#169, 2013-10-05 > #170, 2013-10-08 > #171, 2013-10-09 > #172, 2013-10-10 > #173, 2013-10-11

«ԱԶԳ» ՕՐԱԹԵՐԹ #171, 09-10-2013

Տեղադրվել է` 2013-10-08 23:20:57 (GMT +04:00)

Ընթերցված է` 1454, Տպվել է` 16, Ուղարկվել է էլ.փոստով` 16

ՆԱԼԲԱՆԴՅԱՆԸ ՀԱՅԱՍՏԱՆԻ «ՀՆԱՐԱՎՈՐ ԲՈԼՈՐԸ» ՏԱՐԵԼ ԷՐ ԲՐՅՈՒՍԵԼ

Վ. Պ.

Հայաստանի ԱԳ նախարար Էդվարդ Նալբանդյանը երեկ Բրյուսելում հանդիպել է Եվրոպական միության արտաքին քաղաքականության հարցերով բարձր ներկայացուցիչ Քեթրին Էշթոնի հետ:

Մամուլի հաղորդագրության համաձայնՙ ողջունելով Հայաստանի արտգործնախարարինՙ ԵՄ բարձր ներկայացուցիչը նշել է, որ այս հանդիպումը լավ առիթ է մտքեր փոխանակելու Հայաստանի եւ Եվրոպական միության հարաբերությունների հետագա զարգացման նպատակով ձեռնարկվելիք համատեղ քայլերի շուրջը:

Նախարար Նալբանդյանն ընդգծել է, որ Հայաստանը ցանկանում է հնարավոր բոլոր ուղղություններով առաջ տանել համագործակցությունը Եվրոպական միության հետՙ հիմնվելով այն համատեղ ձեռքբերումների եւ առաջընթացի վրա, որոնք վերջին տարիներին գրանցվել են Հայաստան-Եվրոմիություն հարաբերություններում:

Էդվարդ Նալբանդյանը նաեւ նշել է, թե ԵՄ-ի հետ իր հարաբերությունները կառուցելիս, նաեւ Արեւելյան գործընկերության նախաձեռնության շրջանակներում, Հայաստանը ձգտում է ունենալ սերտ, խոր եւ ընդլայնված համագործակցություն` նկատի ունենալով, միաժամանակ, Հայաստանի շահերից բխող մասնակցությունն այլ ինտեգրացիոն գործընթացներին:

«Հայաստանը, ԵՄ աջակցությամբ, անցել է բարեփոխումների կարեւոր ճանապարհ: Մենք հաստատակամ ենք շարունակելու բարեփոխումների գործընթացըՙ ուղղված ժողովրդավարության, մարդու իրավունքների եւ օրենքի գերակայության ամրապնդմանը, արդյունավետ կառավարմանը, դատաիրավական համակարգի կատարելագործմանը, կոռուպցիայի դեմ պայքարին: Այս գործընթացում մենք ակնկալում ենք ԵՄ շարունակական աջակցությունը», հանդիպմանը շեշտել է նախարար Նալբանդյանը: Նա կարեւորել է ԵՄ-Հայաստան համագործակցությունը շարժունակության բնագավառումՙ ընդգծելով, որ արդեն երկու տարի է, ինչ ստորագրվել է Եվրոպական միության հետ «Շարժունակության շուրջ գործընկերություն» հռչակագիրը, իսկ անցյալ դեկտեմբերինՙ մուտքի արտոնագրային ռեժիմի դյուրացման համաձայնագիրը:

Էդվարդ Նալբանդյանի խոսքերով` լուրջ ներուժ կա ոլորտային համագործակցության բնագավառում, որը ներառում է տասնյակ ուղղություններ: Հայաստանի արտգործնախարարի խոսքերովՙ անցյալ դեկտեմբերին ստորագրված Հայաստանի եւ Եվրոպական միության միջեւ Շրջանակային համաձայնագրի արձանագրությամբ Հայաստանին հնարավորություն է ընձեռվում մասնակցություն ունենալու ԵՄ տարբեր ծրագրերում:

Քեթրին Էշթոնը հավաստել է, որ Եվրոպական միությունը ցանկանում է շարունակել համակողմանի փոխգործակցության զարգացումը Հայաստանի հետ բոլոր ուղղություններով, որոնք համատեղելի կլինեն Մաքսային միությանն անդամակցելու Հայաստանի որոշման հետ:

Հանդիպմանն անդրադարձել են Արեւելյան գործընկերության Վիլնյուսի գագաթաժողովի նախապատրաստական աշխատանքներին:

«ԱԶԳ» ՕՐԱԹԵՐԹ #171, 09-10-2013
2013-10-09	ԵՐԲ ԸՆՏՐՈՒԹՅՈՒՆ ՉԿԱ, «ԸՆՏՐՈՒԹՅՈՒՆՆԵՐՆ ԱԶԱՏ ԵՎ ԹԱՓԱՆՑԻԿ ԵՆ»
2013-10-09	ՆԱԼԲԱՆԴՅԱՆԸ ՀԱՅԱՍՏԱՆԻ «ՀՆԱՐԱՎՈՐ ԲՈԼՈՐԸ» ՏԱՐԵԼ ԷՐ ԲՐՅՈՒՍԵԼ
2013-10-09	ԹՈՒՐՔԻԱՆ ՍԻՐԻԱՅԻ ՍԱՀՄԱՆՈՒՄ ՊԱՐԻՍՊ Է ԿԱՌՈՒՑՈՒՄ
2013-10-09	ԱՐՄԱՆ ՇԵՐԵՖԻ ՀԱՆՐԱԳԻՏԱՐԱՆԸ
2013-10-09	ԿՍԿՍՎԻ՞ ԻՐԱՆ-ԱՄՆ «ՕԴԱՆԱՎԱՅԻՆ ԴԻՎԱՆԱԳԻՏՈՒԹՅՈՒՆԸ»
2013-10-09	ՀԲԸՄ-Ի ՕԺԱՆԴԱԿՈՒԹՅՈՒՆԸ ՍԻՐԻԱՀԱՅԵՐԻՆ ՇԱՐՈՒՆԱԿՎՈՒՄ Է
2013-10-09	ՍԻՐԻԱԿԱՆ ԸՆԴԴԻՄՈՒԹՅԱՆ ԵՎ ԻՇԽԱՆՈՒԹՅՈՒՆՆԵՐԻ ԺՆԵՎ ՄԵԿՆԵԼՈՒ ՆԱԽԱՊԱՅՄԱՆՆԵՐԸ
2013-10-09	ԺՈՂՈՎՐԴԱԳՐԱԿԱՆ ԼՈՒՐՋ ԽՆԴԻՐՆԵՐ ՀԱՅԱՍՏԱՆՈՒՄ
2013-10-09	ՇԱՐՄԱԶԱՆՈՎԸ ՎԵՐԸՆՏՐՎԵԼ Է ԱՊՀ ՄԽՎ ՆԱԽԱԳԱՀԻ ՏԵՂԱԿԱԼԻ ՊԱՇՏՈՆՈՒՄ
2013-10-09	ՀՀ ԳԻՏՈՒԹՅՈՒՆՆԵՐԻ ԱԶԳԱՅԻՆ ԱԿԱԴԵՄԻԱՆ ՆՇՈՒՄ Է ՀԻՄՆԱԴՐՄԱՆ 70-ԱՄՅԱԿԸ
2013-10-09	ՆՈՐ 100 ԴՈԼԱՐԱՆՈՑՆ ԱՐԴԵՆ ՇՐՋԱՆԱՌՈՒԹՅԱՆ ՄԵՋ Է
2013-10-09	«ՄՈՎՍԵՍ ԽՈՐԵՆԱՑՈՒ» ՄԵԴԱԼԻ ՀԱՆՁՆՄԱՆ ՀԱՆԴԻՍԱՎՈՐ ԱՐԱՐՈՂՈՒԹՅՈՒՆ ԲԵՅՐՈՒԹՈՒՄ
2013-10-09	ՀՀՇ-Նՙ ՆՈՐՈՎԻ. ԿՈՒՍԱԿՑՈՒԹՅՈՒՆԸ ՄՏԱԴԻՐ Է ՎԵՐԱԴԱՌՆԱԼ ՔԱՂԱՔԱԿԱՆ ԱՍՊԱՐԵԶ
2013-10-09	ՄԻՋՈՑԱՌՈՒՄՆԵՐԻ ԾՐԱԳԻՐ
2013-10-09	ՁՎԻ ԹԱՆԿԱՑՈՒՄԸՙ ԿԵՐԻ ԹԱՆԿԱՑՄԱՆ ՀԵՏԵՎԱՆՔ
2013-10-09	ՕԳՈՍՏՈՍԻՆ ԱՆՇԱՐԺ ԳՈՒՅՔԻ ԳՆԵՐՆ ՀԱՅԱՍՏԱՆՈՒՄ ԱՆՓՈՓՈԽ ԵՆ ՄՆԱՑԵԼ
2013-10-09	ՆՈՐ ԵԿԵՂԵՑԻՙ ԵԿԱՏԵՐԻՆԲՈՒՐԳԻ ՀԱՅԵՐԻ ՀԱՄԱՐ
2013-10-09	«ԷԿՈՆՈՄԻՍՏԸ» ԱՆԴՐԱԴԱՐՁԵԼ Է ՍԲ ԿԻՐԱԿՈՍ ԵԿԵՂԵՑՈՒՆ
2013-10-09	ՋՈՐՋ ԿԼՈՒՆԻՆ ԱՋԱԿՑՈՒՄ Է «ՇՈԱ ՀԱՍՏԱՏՈՒԹՅԱՆ» ՆԱԽԱՁԵՌՆՈՒԹՅԱՆԸ
2013-10-09	ՑԱՎԱԿՑԱԳԻՐ ԵՐՎԱՆԴ ՓԱՄԲՈՒԿՅԱՆԻՆ
2013-10-09	ՄԱՐՏԻՆ ՌԱՖԱՅԵԼԻ ՄԵԼՔՈՆՅԱՆ
2013-10-09	«ՏԱՇԻՐ» ԲԱՐԵԳՈՐԾԱԿԱՆ ՀԻՄՆԱԴՐԱՄ
2013-10-09	«ՇԱՐԺՈՒՄ 1988/25»
2013-10-09	«ՇՐՋԱՆԱԿԻՑ ԴՈՒՐՍ»
2013-10-09	«ԿԻՆԸ ՎԱՆԴԱԿՈՒՄ»
2013-10-09	ԱԶԳԱՅԻՆ ՀԱՎԱՔԱԿԱՆԸ ՁԳՏԵԼՈՒ Է ԱՌԱՋԻՆ ՀԱՂԹԱՆԱԿԸ ՏՈՆԵԼ ՍԵՓԱԿԱՆ ՀԱՐԿԻ ՏԱԿ
2013-10-09	ՀԱՅ ԽՈՑԱՍՈՒՍԵՐԱԿԻՐՆԵՐԸ ԶԲԱՂԵՑՐԻՆ ՈՂՋ ՊԱՏՎՈ ՊԱՏՎԱՆԴԱՆԸ
2013-10-09	ԿԱՍՊԱՐՈՎՆ ՈՒ ԻԼՅՈՒՄԺԻՆՈՎԸ ՖԻԴԵ-Ի ՆԱԽԱԳԱՀԻ ՊԱՇՏՈՆԻ ԹԵԿՆԱԾՈՒՆԵՐ
2013-10-09	ԱՐՈՆՅԱՆԸ ՄԵԿՆԱՐԿԵՑ ՈՉ-ՈՔԻՈՎ
2013-10-09	ՀԱԿՈԲՅԱՆԸ ՇԱՐՈՒՆԱԿԵՑ ՀԱՂԹԱՐՇԱՎԸ
2013-10-09	ՀԱՅ ՇԱԽՄԱՏԻՍՏՆԵՐԻՑ 4-Ը ՀԱՎԱԿՆՈՒՄ ԵՆ ՄԵԴԱԼՆԵՐԻ
2013-10-09	ՕԼԻՄՊԻԱԿԱՆ ՋԱՀԸ ՎԱՃԱՌՎԵՑ ԱՃՈՒՐԴՈՒՄ
2013-10-09	ԿԼՈՊԻ ՈՐԱԿԱԶՐԿՈՒՄԸ ԵՐԿԱՐԱՁԳՎԵՑ
2013-10-09	ՊԱՏԱՆԵԿԱՆ ՀԱՎԱՔԱԿԱՆԸ ՄԵԿՆԵՑ ԼԵՀԱՍՏԱՆ



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ

ՄԵԿ ՏԱՐԻ ԱՌԱՋ