ՄԱՐԴԸ ԿԱՐՈՂ Է ԱՊՐԵԼ 200 ՏԱՐԻ ԱՆԱՀԻՏ ՀՈՎՍԵՓՅԱՆ, Գերմանիա Ըստ որոշ գիտնականների, մոտ ապագայում մարդը կարող է ապրել 200 տարի: Քյոլնի համալսարանի պրոֆեսոր, 40-ամյա մոլեկուլային կենսաբան, մարդու տարիքը հետազոտող Բյորն Շումախերը (Bjern Schumacher), որ ճանաչված գիտնական է աշխարհում համեմատաբար նոր այս գիտաճյուղը ներկայացնող մասնագետների մեջ, գիրք է հրատարակելՙ «Մարդու տարիքի գաղտնիքը» վերնագրով: Գիտնականի ասելով, վերջին 20-ամյակում մոլեկուլյար կենսաբանությունը հսկայական առաջընթաց է արձանագրելՙ այժմ կարելի է ճշգրիտ նշել, թե ո՞ր գենն է սահմանափակում կյանքի տեւողությունը: «Որքա՞ն երկար կարող ենք ապրել, 25 տոկոսով գեներն են որոշում, բայց 75 տոկոսըՙ ապրողներիս կյանքի ձեւի ընտրության մեջ է», ասում է գիտնականը: |
