ԿԱԼԻՖՈՌՆԻԱՅԻ ԴԱՏԱԿԱՆ ԽՈՐՀՈՒՐԴԸ ՈՐՈՇԵՑ ՀԱՄԲԻԿ ՍԱՍՈՒՆՅԱՆԻՆ ՆԵՐՈՒՄ ՇՆՈՐՀԵԼ Համբիկ Սասունյանը, որը 34 տարի, 11 ամիս գտնվում է ամերիկյան բանտում, դատապարտվել էր ցմահ ազատազրկման, կարող է ազատ արձակվել: Նրան ներում շնորհելու որոշում է կայացրել Կալիֆոռնիայի դատական խորհուրդը: Այդ մասին «Հայ Ձայնը» տեղեկանում է թուրքական «Դեյլի Սաբահ» պարբերականից: Նկատենք, որ երկու անգամՙ 2006 եւ 2010 թվականներին ԱՄՆ դատարանը մերժել է Սասունյանի ներում ստանալու խնդրանքը: 1982-ին առավոտյան 9:40-ին 19-ամյա Համբիկը Լոս Անջելեսում, Ուիլշիր Բուլվարի եւ Կոմստոկ փողոցի խաչմերուկում համագործակցի հետ գնդակահարել էր Թուրքիայի հյուպատոս Քեմալ Արիկանին, երբ նրա ավտոմեքենան կանգնած էր կարմիր լույսի տակ: ԱՄՆ նախագահ Ռեյգանը դատապրտել էր այս արարքը, որակավորելով այն որպես ահաբեկչություն: Ձերբակալությունից հետո ԱՄՆ դատարանը նրան դատապարտում է ցմահ ազատազրկման, առանց բողոքարկման իրավունքի: Սասունյանը ծնվել է 1963-ին, Լիբանանում, անդամ էր Հայկական հեղափոխական բանակին (ՀՅԴ): Թուրքիայի արտգործնախարարությունը պահանջել է հետ կոչել Դատական խորհրդի որոշումը: |
