ՔԱՂԱՔԱԿԱՆ ՍԵՓԱԿԱՆ ԱՊԱԳԱՆ` ՆԺԱՐԻՆ Հայաստանի Ազգային ժողովի այս շաբաթ հրավիրված արտահերթ նիստում ընդունվեց «ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» եւ կից ներկայացված օրինագծերի փաթեթը, որը հարստացվել էr պատգամավորների առաջարկներով: Փաթեթով ամրագրվում է նաեւ հիմնադրամի նկատմամբ խորհրդարանական վերահսկողությունը. յուրաքանչյուր տարի կառավարությունն Ազգային ժողով է ներկայացնելու տեղեկություններ հիմնադրամի գործունեության վերաբերյալ, օրենսդրորեն ձեւակերպվելու են շահառուների իրավունքներն ու պարտականությունները, նրանց ընտրության կարգը: «Հիմնադրամն աշխատելու է այնպես, որ բոլորը հպարտ են լինելու կողմ քվեարկելու համար. ես, որպես պետական պաշտոնյա, որպես քաղաքական գործիչՙ այս օրենքի լիարժեք կատարման նժարին դնում եմ իմ քաղաքական կենսագրությունը եւ իմ ապագան», ասաց պաշտպանության նախարար Վիգեն Սարգսյանը քննարկումների ընթացքում: |
