ԲՈՍՏՈՆ: ԽԱՂԱՂՈՒԹՅԱՆ ՔԱՅԼԱՐՇԱՎ ՀԱՅԿԱԿԱՆ ԶԲՈՍԱՅԳՈՒՄ Հ. Ծ. «Այս քաոսային աշխարհում եւ եռուզեռային մթնոլորտում մի պահ կանգ առնելու եւ մեր կյանքի ճանապարհի մասին խորհրդածելու հիանալի առիթ է խաղաղության այս քայլարշավը, որը մոմավառության ուղեկցությամբ տեղի է ունենալու դեկտեմբերի 18-ին Գրինվեյի վրա (Բոստոն) գտնվող Հայկական ժառանգության զբոսայգում», նշել է «Արմինյն Միրոր-Սփեքթեյթր» շաբաթաթերթի հաղորդմամբ Նյու Ինգլենդի «Լաբիրինթոս Գիլվիայի» համահիմնադիր եւ նախագահ Բեթ Մեյսը : Զբոսայգու մեջտեղում գտնվող լաբիրինթոսը ծառայելու է մարդկանց ներաշխարհը թափանցելուն եւ ուրիշների հետ ձեռք-ձեռքի տված շարժվելուն դեպի ավելի խաղաղ ապագա: Իրադարձության նախաձեռությունը պատկանում է Հավայան կղզիներում ապրող Քրիստին Օստերվալդերին, որ 2014-ին է առաջին անգամ իրագործել իր այս երազանքը: Այս տարի երրորդ անգամ է այն կայանալու նախագահությամբ Սյուզան Դերանյանի, եւ զբոսայգու բարեկամների, վերոնշյալ Գիլդիայի, ինչպես նաեւ «Բոստոնյըն հոթելի» եւ այլոց աջակցությամբ: Քայլարշավից հետո «Ցանկությունների ծառի» ճյուղերից ժապավեններ կապելու արարողությունն է տեղի ունենալու, որը հին սովորույթ է: Իսկ երեկոյան մարդկանց հաճելի պահեր է պարգեւելու Վելսլի ավագ դպրոցի աշակերտների երգչախումբն իր կատարումներով: | 
