ԶՈՐԱՄԱՍԻՑ ՎԱՌԵԼԻՔ ԵՆ ԳՈՂԱՑԵԼ, ՄԵՂԱԴՐՎՈՒՄ Է ՆԱԵՎ ԶՈՐԱՄԱՍԻ ՀՐԱՄԱՆԱՏԱՐԸ Հ. Ա. ՀՀ քննչական կոմիտեի դեպարտամենտի տեղեկատվության եւ հասարակայնության հետ կապերի բաժնից հայտնում են, որ ՀՀ քննչական կոմիտեի զինվորական քննչական գլխավոր վարչության հատկապես կարեւոր գործերով քննության վարչությունում ձեռնարկված մեծածավալ քննչական գործողությունների արդյունքում բացահայտվել է Շիրակում տեղակայված N զորամասից վառելիքի հափշտակությունը: Մեղադրանքներ են առաջադրվել 6 անձի, այդ թվում նաեւՙ զորամասի հրամանատարին: Նախնական քննությամբ փաստական տվյալներ են ձեռք բերվել առ այն, որ 2016թ. մայիս-օգոստոս ամիսներին ՀՀ ՊՆ N զորամասից կատարվել է խոշոր չափերի հասնող վառելիքի յուրացում, վատնում: Քրեական գործով հայտարարվել է նախաքննության ավարտի մասին, եւ քրեական գործըՙ մեղադրական եզրակացությամբ, ուղարկվել է դատարան: |
