ՍԵՐԺ ՍԱՐԳՍՅԱՆ. «ԵԹԵ ՀԵՇՏ ԼԻՆԵՐ...» ՀՈՎԻԿ ԱՖՅԱՆ Հինգշաբթի օրը կայացած կառավարության նիստին մասնակցել է ՀՀ նախագահ Սերժ Սարգսյանը: Նիստի ավարտին, վարչապետ Կարեն Կարապետյանը դիմելով նախագահին ասել է. «Ուզում ենք ձեզ հավաստիացնել, որ այն ծրագիրը, որը ձեւավորել է մեր թիմը, իրագործվելու է: Մենք շատ լավ հասկանում ենք, թե հասարակությունը մեզանից ինչ սպասումներ ունի, մենք շատ լավ հասկանում ենք, որ այդ ճանապարհը հեշտ չի լինելու, բայց մենք վճռականորեն ենք տրամադրված եւ այդ ծրագիրն իրագործելու ենք»: Սերժ Սարգսյանն էլ ի պատասխան, հայտարարել է. «Պարո՛ն վարչապետ, եթե հեշտ լիներ, մինչեւ հիմա ամբողջն արած-պրծած կլինեինք, բոլորս դա գիտակցում ենք»: Մի խոսքովՙ դժվար է: |
