ՆՈՒՅՆ ԳԱԶԸՙ ՆՈՒՅՆ ԳՆՈՎ Ռուսաստանը 2018-ին էլ չի թանկացնի Հայաստան մատակարարվող գազի գինը, որն, ինչպես նշել է ՀՀ փոխվարչապետ Վաչե Գաբրիելյանը ՙ տարածաշրջանում ամենաէժանն է: Գազի գինը չբարձրացնելու մասին հայտարարել է ՌԴ վարչապետ Դմիտրի Մեդվեդեւը , որը ԵԱՏՄ միջգերատեսչական նիստի շրջանակներում պաշտոնական այցով Երեւանում էր: Ստացվում է, որ հայ-ռուսական գազային պայմանագրի ժամկետը երկարաձգվել է մեկ տարով, քանի որ այն գործելու էր մինչեւ 2018-ը: Ստացվում է նաեւ, որ Հայաստանն ու Ռուսաստանը գազի պայմանագրի շուրջ բանակցություններ են վարել, ինչի մասին, սակայն, որեւէ տեղեկութուն չեն հայտնել: Ու մի վատ լուր էլ. եթե Հայաստան մատակարարվող գազի գինը մնում է նույնը, նշանակում է, որ այն չի էժանանում, ավելինՙ 2018-ին էլ չի էժանանալու: Հայաստան-Ռուսաստան. տարբեր թվեր Կարապետյան-Մեդվեդեւ հանդիպման ընթացքում ՀՀ վարչապետը գոհունակությամբ նշել է, որ Հայաստան-Ռուսաստան ապրանքաշրջանառությունն անցնող տարում աճել է 23 տոկոսով: ՌԴ վարչապետն իր հերթին հայտնել է, որ իր մոտ ուրիշ թվեր կան, ըստ որոնց ապրանքաշրջանառությունն իրականում աճել է 30 տոկոսով: Իհարկե կարեւորն այն է, որ աճել է, բայց պակաս կարեւոր չէՙ պարզելը, թե Հայաստանի՞ վարչապետի օգնականները հաշվել չգիտեն, թե՞ Ռուսաստանի օգնականներն են նրան խաբում: Ամեն դեպքում Մեդվեդեւն առաջարկել է Կարապետյանին հիմք ընդունել իր մոտ եղած թվերը, Կարապետյանն էլ համաձայնել է: |
