ՇՆՈՐՀԱԿԱԼՈՒԹՅՈՒՆ, ՋԵՐՄ ԸՆԴՈՒՆԵԼՈՒԹՅԱՆ ՀԱՄԱՐ Հ. ԱՖ. ԵԱՏՄ միջգերատեսչական նիստին մասնակցելու համար, բացի ԵԱՏՄ անդամ երկրների վարչապետներից, Հայաստան էին ժամանել նաեւ անդամ մյուս երկրների պատվիրակություններն ու լրագրողներ: Հենց վերջիններս էլ նիստի ժամանակ, իրենց հատկացված սրահում դժգոհել են հյուրընկալությունիցՙ նշելով, որ լրագրողներին ոչ ուտելիք են տալիս, ոչ էլ նորմալ ինտերնետ կա: Սա՞ է հայկական ավանդական հյուրընկալությունը, հեգնանքով նկատել են լրագրողները, հատկապես ռուս: Ի դեպ, վերջիններս նաեւ շեշտել են, որ աշխարհի ոչ մի երկրում նման բան իրենք չեն տեսել, իսկ ռուս լրագրողները, հասկանալի է, աշխարհի շատ երկրներ են տեսել: Իսկ նիստի ընթացքում Ղրղզստանի վարչապետը շնորհակալություն է հայտնել Կարեն Կարապետյանինՙ նիստը հրաշալի կազմակերպելու եւ ջերմ ընդունելության, հյուրընկալության համար: Այդ պահին հատկապես ղրղզ լրագրողները սկսել են ծիծաղելՙ բարձր գնահատելով իրենց վարչապետի հումորի զգացողությունը: Ի դեպ, հաջորդ անգամ ԵԱՏՄ վարչապետները կհանդիպեն եկող տարվա հունվարի վերջին, կամ փետրվարի սկզբինՙ Սոչիում: Հայաստան հայտնի չէ, թե էլ երբ կգան, կամ կգա՞ն արդյոք: |
