135 ՀԱԶԱՐ ԴՈԼԱՐՙ «ՄԻՐՈՐԻ» ԳԱԼԱ-ՀԱՆԴԻՍՈՒԹՅԱՆԸ Հ. Ծ. «Արմինյն Միրոր-Սփեքթեյթր» շաբաթաթերթի 85-ամյակի առթիվ նոյեմբերի 3-ին կազմակերպված գալա-հանդիսության ժամանակ հանգանակվել է 135 հազար դոլար, որը հատկացվելու է թերթի հետագա գործունեությանց իրականացմանը, տեղեկացնում է «Միրորի» նոյեմբերի 11-ի համարը: Միջոցառմանը ելույթներ քիչ են եղել, բայց մթնոլորտը եղել է ջերմ եւ ներկաների տրամադրությունըՙ բարձր: Եղել են պարգեւատրումներ միջազգային ճանաչման արժանացած չորս լրագրողների: ԹՄՄ Կենտրոնական վարչության ատենապետ Երվանդ Ազատյանը Ռոբերտ Ֆիսքին ներկայացրել է որպես «ճշմարտության համար պայքարող մարտիկի»: Ամբերին Զամանը հակիրճ անդրադարձել է Թուրքիայում գտնվող իր հիվանդ մորը այցելել չկարողանալու մասին, իսկ Պարսամյանն ու Թերզյանը շնորհակալություն են հայտնել պարգեւների համար: Անակնկալ մրցանակներ ստացել են նաեւ գալա-հանդիսության հանձնախմբի նախագահ Նիկոլ Պապիկյան-Հաժժարը, եւ ՌԱԿ Արեւելյան Ամերիկայի եւ Կանադայի շրջանային վարչության ատենապետ Գեւորգ Մարաշլյանը: Ներկաները հաճելի ժամեր են անցկացրել «Black Sea Salsa Band» նվագախմբի ընկերակցությամբ: Նկար 1. Ձախիցՙ Նիկոլ Պապիկյան Հաժժար, Գեւորգ Մարաշլյան, Հարի եւ Հռիփ Բարսեղյաններ | 
