ՀԱՅԿԱԿԱՆ ԿԱՐՃԱՄԵՏՐԱԺ ՖԻԼՄԵՐԻ ՑՈՒՑԱԴՐՈՒԹՅՈՒՆ ՆՅՈՒ ՅՈՐՔՈՒՄ Հ.Ծ. Նոյեմբերի 16-ին ՀԲԸՄ-ի կատարողական արվեստի բաժանմունքը Նյու Յորքի Լինքոլն կենտրոնում անց է կացրել իր 3-րդ «Հայերը կինոարվեստում» տարեկան միջոցառումը, որի ընթացքում ցուցադրվել են 6 կարճամետրաժ ֆիլմեր: Ըստ ստացված հաղորդագրության, ծրագրում ներառվել են Րաֆֆի Վարդանյանի «Դատարկ տարածություն», Ավո Ջոն Քամբուրյանի «Վերապրումի արձագանքներ», Էրիկ Շահինյանի «Օտար ձայներ», Էմիլի Մկրտչյանի եւ Անահիտ Յահջյանի «Լեւոն: Զարմանահրաշ կյանք», Օվսաննա Գեւորգյանի «Էլ չես կարող տուն գնալ» եւ Կարեն Բարսեղյանի «Հյուծված» ֆիլմերը: Հատուկ ցուցադրմամբ հայ եւ օտար հանդիսատեսին է ներկայացվել նաեւ «Պատերազմի երեխաները» ֆիլմը: Բոլոր ֆիլմերն էլ եզրափակիչ փուլ են հասել օսկարակիր ռեժիսոր Թերի Ջորջի եւ ՀԲԸՄ-ի «Ստեղծագործ Հայաստան» կազմակերպության նախաձեռնած «Մարդու իրավունքների մարտահրավերներ» միջոցառմանը: | 
