ԱԴՐԲԵՋԱՆՈՒՄ ՁԵՐԲԱԿԱԼՎԵԼ Է 400 ԼՐՏԵՍ ՀՈՎԻԿ ԱՖՅԱՆ Ադրբեջանում մասսայական ձերբակալություններ են: Այդ երկրում ձերբակալվել է 400 մարդՙ «Հայաստանի համար աշխատելու» մեղադրանքով: Ընդ որում, նրանց թվում են զինվորականներ, սովորական գյուղացիներ, անգամ հովիվներ ու, ինչն ամենաուշագրավն է, մարմնավաճառներ: Չնայած, արդարության համար նկատենք, որ ձերբակալված լրտես հովիվներից մեկին ազատ են արձակել, երբ վերջինս, ինչպես ադրբեջանական աղբյուրներն են նշում, իր հոտից մի ոչխար է տվել ադրբեջանցի ուժայիններին: Հայաստանի հետ սահմանակից գյուղերից մեկի բնակչի դուստրն էլ, նախընտրելով չներկայանալ ու հոր անունն էլ չտալ, ադրբեջանական կայքին պատմել է, որ գիշերը ոստիկանները մտել են իրենց տուն, հորը հանել տան բակ ու ծեծելով սպանել: Ի դեպ, Միլլի Մեջլիսը նոր օրենք է ընդունել, ըստ որիՙ Ադրբեջանի բանակը կարող է մասնակցել երկրի ներսում բողոքի ակցիաների ցրմանը: |
