ՀԻՆ ՄԱՐԴԿԱՆՑՈՎՙ ՆՈՐ ԿԱՌԱՎԱՐՈՒԹՅՈՒՆ ՀՈՎԻԿ ԱՖՅԱՆ Վարչապետ Սերժ Սարգսյանի առաջարկովՙ նախագահ Արմեն Սարգսյանը Հայաստանի առաջին փոխվարչապետ է նշանակել Կարեն Կարապետյանին: Փոխվարչապետեր են նշանակվել նաեւ Վաչե Գաբրիելյանն ու Արմեն Գեւորգյանը: Նախագահ Սարգսյանի որոշմամբ Հայաստանի արտաքին գործերի նախարարությունը կշարունակի ղեկավարել Էդվարդ Նալբանդյանը, պաշտպանության նախարարությունըՙ Վիգեն Սարգսյանը, ֆինանսների նախարարությունըՙ Վարդան Արամյանը, տարածքային կառավարման եւ զարգացման նախարարությունըՙ Դավիթ Լոքյանը, տնտեսական զարգացման եւ ներդրումների նախարարությունն էլՙ Սուրեն Կարայանը: Նշենք նաեւ, որ Հովհաննես Նիկողոսյանը նշանակվել է վարչապետի մամուլի քարտուղար: |