Տեղադրվել է` 2018-09-28 11:05:49 (GMT +04:00)

Ընթերցված է` 3789, Տպվել է` 524, Ուղարկվել է էլ.փոստով` 0

ԵՐԵՎԱՆԻ ԷՆԵՐԳԵՏԻԿԱՆ ՈՒՇԱԴՐՈՒԹՅԱՆ ԱՌԱՐԿԱ

Երեւանի էներգետիկայի խնդիրները կարեւոր նշանակություն ունեն տնտեսության հետագա զարգացման համար:

Վերջերս «Նորամուծության եւ ձեռներեցության ազգային կենտրոն» ՊՈԱԿ-ում որպես գիտական աշխատանք ավանդադրվել է էներգետիկայի բնագավառի անվանի գիտնական, հայկական էներգետիկական ակադեմիայի հիմնադիր նախագահ, տեխնիկական գիտությունների թեկնածու Ստեփան ՊԱՊԻԿՅԱՆԻ «Երեւան քաղաքի էներգետիկայի պատմությունը» մենագրությունը: Աշխատության ծավալը կազմում է 150 էջ: Գրախոսականում կարդում ենք,որ աշխատանքը իր բնույթով եզակի է եւ հանրագիտարանային բնույթ ունի:

Ստեփան Պապիկյանը երկար տարիներ զբաղվելով էներգետիկայի պատմության հարցերովՙ պարբերաբար հանդես է գալիս ոլորտին վերաբերվող խնդիրներով «Ազգ» թերթում: Ուրախալի է, որ Երեւան քաղաքը ծննդյան 2800 ամյակի նախաշեմին ունեցավ նման ուշագրավ գիտական մենագրություն:

Այն ունի առաջաբան, որտեղ համառոտակի տրվում Երեւանին առնչվող կարեւոր հարցերը:

Կարծում ենք կարեւոր, գիտական մեծ արժեք ներկայացնող Ս.Պապիկյանի «Երեւան քաղաքի էներգետիկայի պատմությունը» մենագրությունը անհրաժեշտ է տպագրել առանձին գրքի տեսքով: Այն լավ նվեր կլինի երեւանցիների, ինչպես նաեւ քաղաքի հյուրերի համար առաջիկա տոնական օրերին: Գուցե գտնվեն հովանավորներ այս հարցին լուծում տալու համար:

Նկար 1. Ջրաղացներ Երեւանում, 1921թ.

Նկար 2. Երեւանի շոգեգազատուրբինային բլոկի արտաքին տեսքը

Նկար 3. Արեւային կայան Երեւանում