Տեղադրվել է` 2019-07-11 22:12:46 (GMT +04:00)

Ընթերցված է` 3239, Տպվել է` 268, Ուղարկվել է էլ.փոստով` 0

ԹՈՒՐՔԻԱՅՈՒՄ ՆՈՐ ՀԱԿԱՀԱՅԿԱԿԱՆ ՖԻԼՄ Է ՆԿԱՐԱՀԱՆՎՈՒՄ

Գեւորգ ԳՅՈՒԼՈՒՄՅԱՆ

Թուրքիայում ֆիլմ է նկարահանվում 1915-16 թթ. բիթլիսաբնակ մուսուլման ընտանիքների հետ պատահած դեպքերի մասինՙ մեղադրանքի թիրախում առնելով ռուսներին ու հայերին:

Ֆիլմը նկարահանվում է Թուրքիայի Ռադիոյի ու հեռուստատեսության ընկերության աջակցությամբ եւ համակարգմամբ: «Ձյունից կազմված» անվանումով ֆիլմը էկրան կբարձրանա 2020 թվականին: Նկարահանումների մի մասը կատարվել է ձմռանը, ամառային մասը դեռ շարունակվում է:

Ֆիլմը նկարահանվում է թուրք պրոֆեսոր Հալիլ Դեքերթեքինի գրած «Փախստականներ» գրքի հիման վրա: Գիրքը պատմում է 1-ին համաշխարհային պատերազմի ընթացքումՙ 1915-1916 թթ. ռուսական բանակի կողմից Բիթլիսի պաշարման ու գրավման հետեւանքով շրջանից գաղթված մուսուլմանների ճակատագրի մասին:

Ֆիլմի մասին պատմող հրապարակման մեջ Բիթլիսի գրավումը ներկայացվում է որպես ռուս-հայկական «օկուպացիա», ինչն արտացոլվելու է նաեւ ֆիլմի մեջ:

Աղբյուրըՙ ermenihaber.am