ՌԱԿ ԳԵՐԱԳՈՒՅՆ ԽՈՐՀՐԴԻ ՈՒՂԵՐՁԸ ԱՄՆ ԿՈՆԳՐԵՍԻ ԶՈՒՅԳ ՊԱԼԱՏՆԵՐԻՆ

RSS | FACEBOOK | NLA

#046, 2019-12-06 > #047, 2019-12-13 > #048, 2019-12-20 > #049, 2019-12-27

«ԱԶԳ» ՕՐԱԹԵՐԹ #48, 20-12-2019

ՕՐԱԿԱՐԳ

Տեղադրվել է` 2019-12-21 14:56:06 (GMT +04:00)

Ընթերցված է` 2334, Տպվել է` 156, Ուղարկվել է էլ.փոստով` 0

ՌԱԿ ԳԵՐԱԳՈՒՅՆ ԽՈՐՀՐԴԻ ՈՒՂԵՐՁԸ ԱՄՆ ԿՈՆԳՐԵՍԻ ԶՈՒՅԳ ՊԱԼԱՏՆԵՐԻՆ

Նոյեմբերի 13-ին Ռամկավար Ազատական կուսակցության Գերագույն խորհրդի կողմից նույնաբովանդակ նամակներ են հղվել Կոնգրեսի Ներկայացուցիչների պալատի խոսնակ Նենսի Փելոսիին եւ Սենատի մեծամասնության առաջնորդ Միչ ՄակԿոնելինՙ համապատասխանաբար հոկտեմբերի 29-ին եւ դեկտեմբերի 12-ին ընդունված թիվ 296 եւ թիվ 150 բանաձեւերի կապակցությամբ:

Ուղերձում մասնավորաբար ասվում է, որ 2019 թվականի դեկտեմբերի 12-ը Միացյալ Նահանգների պատմության էջերում մնալու է որպես մարդու իրավունքների պաշտպանության հաղթանակի եւ Օսմանյան կայսրության հոգեվարքի օրերին ցեղասպանված մեկուկես միլիոն հայերի ոգեկոչման օր:

ԱՄՆ Կոնգրեսի զույգ պալատների ընդունած բանաձեւերը ընդգծում են մարդու իրավունքների տիեզերական նշանակությունը, որը չի ենթարկվում աշխարհագրական սահմանազատումների եւ չի կարող դառնալ միայն որոշ երկրների եւ ազգերի առանձնաշնորհում, ընդգծվում է ուղերձում եւ ավելացվում, որ Միացյալ Նահանգները, որպես ազատ աշխարհի առաջնորդ, փաստորեն շարունակում է պաշտպան հանդիսանալ այն արժեքների, որոնք միահամուռ ընդունվել են Ցեղասպանության կանխարգելման եւ պատիժի մասին ՄԱԿ-ի Կոնվենցիայում:

Հաստատելով, որ Կոնգրեսի այդ խիզախ քայլը ջատագովումն է առաջին մարդասերներիցՙ դեսպան Հենրի Մորգենթաուի ջանքերիՙ աշխարհի ուշադրությունը հրավիրելու օսմանյան թուրքերի իշխանության ներքո հայ ժողովրդի կրած տառապանքների վրա, ՌԱԿ ուղերձում հիշատակվում է նաեւ սենատորներ Բոբ Դոուլի եւ Ուիլյամ Պրոքսմայրի անունները, որոնք անհողդողդ կանգնեցին հայ ժողովրդի կողքին Ցեղասպանությունը ըստ արժանվույն ճանաչելու գործումՙ ընդդեմ քաղաքական հարմարվողականության ջատագովների:

Ռամկավար Ազատական կուսակցությունը, կարդում ենք ուղերձում, 1921 թվականին իր ստեղծման օրից, մարդու իրավունքների պաշտպանության իր կառույցների միջոցով, աշխատել է Հայոց ցեղասպանության մասին ճշմարտությունը ամերիկյան պետական գործիչներին, մամուլին եւ ակադեմիական շրջանակներին ներկայացնելու ուղղությամբ եւ դեռեւս 1947 թ. ստանձնել է առաջամարտիկի դերը Նյու Յորքում Հայկական համաշխարհային կոնգրեսի կազմակերպման գործում, որի գլխավոր նպատակն էր բարձրացնել բոլորի իրազեկվածությունը այդ ուղղությամբ:

Վերջում ՌԱԿ-ը, հանուն Միացյալ Նահանգների ավելի քան մեկ միլիոն եւ աշխարհում շուրջ 10 միլիոն հայերի երախտագիտություն է հայտնում ԱՄՆ Կոնգրեսի զույգ պալատների անդամներին պատմական Որոշման համար եւ, միաժամանակ հույս հայտնում, որ Միացյալ Նահանգների օրենսդիր իշխանության արդարասիրական նույն ոգին իր գործնական դրսեւորումը կունենա նաեւ գործադիր իշխանության մարմիններում:

«ԱԶԳ» ՕՐԱԹԵՐԹ #48, 20-12-2019
2019-12-20	Ո՞ՒՐ Է ԵՐՐՈՐԴ ՈՒԺԸ
2019-12-20	ԹՈՒՐՔԻԱՆ ՄԱՐՏԱՀՐԱՎԵՐ ԿՆԵՏԻ ԵՄ-ԻՆՙ 3-ՐԴ ՀՈՐԱՏՈՂ ՆԱՎԸ ՈՒՂԱՐԿԵԼՈՎ ՄԻՋԵՐԿՐԱԿԱՆ ԾՈՎ
2019-12-20	ՏԱՐԻՆ ԿՓՈԽՎԻ, ԻՍԿ ՄՏԱԾՈՂՈՒԹՅՈ՞ՒՆԸ
2019-12-20	«ՄԵՐ ԺԱՄԱՆԱԿԻ ՀԵՐՈՍԸ». ՍԱՐԳԻՍ ՄԵԼՔՈՆՅԱՆ
2019-12-20	Ի՞ՆՉ ԵՆ ՓՆՏՐԵԼ
2019-12-20	«ՊԱՅՔԱՐ» ՇԱԲԱԹԱԹԵՐԹՆ ԱՐԺԱՆԱՑԱՎ ԱՌԱՋԻՆ ՄՐՑԱՆԱԿԻ
2019-12-20	ՌԱԿ ԳԵՐԱԳՈՒՅՆ ԽՈՐՀՐԴԻ ՈՒՂԵՐՁԸ ԱՄՆ ԿՈՆԳՐԵՍԻ ԶՈՒՅԳ ՊԱԼԱՏՆԵՐԻՆ
2019-12-20	ԵԹԵ ՈՒԶՈՒՄ ԵՆՔ ՍՓՅՈՒՌՔԻՑ ՎԵՐԱԴԱՌՆԱՆ, ՏԵՍԼԱԿԱՆԸ ՓՈԽԱՐԻՆԵՆՔ ՀՍՏԱԿ ՔԱՂԱՔԱԿԱՆՈՒԹՅԱՄԲ
2019-12-20	«ԱՆՀԻՄՆ» ՎԱՐԿԱՌՈՒԹՅՈՒՆ
2019-12-20	ՆՈՐ ՀՆԱՐԱՎՈՐՈՒԹՅՈՒՆԵՐԻ ՊԱՏՈՒՀԱՆ
2019-12-20	ԲՐԱՏԻՍԼԱՎԱՅՈՒՄՙ ՈՉ ՄԻ ԱՌԱՋԸՆԹԱՑ
2019-12-20	ՄԵԿԸ ՄՅՈՒՍԻՆ ԱՐԺԵՆ...
2019-12-20	Ո՞ՒՄ ՀԱՄԱՐ ԵՎ ՈՐՔԱ՞Ն ԵՆ ԲԱՐՁՐԱՆՈՒՄ ԱՇԽԱՏԱՎԱՐՁԵՐՆ ԵՎ ԿԵՆՍԱԹՈՇԱԿՆԵՐԸ
2019-12-20	ՀԱՏՈՒԿ ԾԱՌԱՅՈՒԹՅՈՒՆՆԵՐԻ ԱՇԽԱՐՀԻՑ. ՍԱՈՒԴՅԱՆ ԱՐԱԲԻԱ
2019-12-20	ԳԻՏԱԺՈՂՈՎ ԵՐԵՎԱՆՈՒՄ
2019-12-20	ԻՆՉՈ՞Ւ ԵՆ ՁԱԽՈՂՎՈՒՄ ՊԵՏՈՒԹՅՈՒՆՆԵՐԸ, ԿԱՄ «ՄԻՋԱԶԳԱՅԻՆ ԼԱՎԱԳՈՒՅՆ ՓՈՐՁԻ» ՖԵՆՈՄԵՆԸ
2019-12-20	ՍՅՈՒՐՄԵԼՅԱՆԻ ԴԱՍԱԿԱՆ ՎԵՊԸ ՎԵՐԱՀՐԱՏԱՐԱԿՎԱԾ
2019-12-20	ՄԵԾ ՀՈՒՄԱՆԻՍՏՆ ՈՒ ԳԻՏՆԱԿԱՆԸ
2019-12-20	ՔՐԻՍՏՈՆԵԱ-ՄՈՒՍՈՒԼՄԱՆԱԿԱՆ ՀԱԿԱՄԱՐՏՈՒԹՅՈՒՆԸ ԵՎ ՄԵՆՔ
2019-12-20	ՎԱԽՃԱՆՎԵԼ Է ԹՈՒՐՔԱԳԵՏ-ԱՐԵՎԵԼԱԳԵՏ ԱՎԵՏԻՍ ՓԱՓԱԶՅԱՆԸ
2019-12-20	ՀԱՅ ԳԻՏՆԱԿԱՆԻ ՄԻՋԱԶԳԱՅԻՆ ՀԱՋՈՂՈՒԹՅՈՒՆՆԵՐԸ
2019-12-20	ՀՀ ՊՆ ՊԱՇՏՊԱՆԱԿԱՆ ԱԶԳԱՅԻՆ ՀԵՏԱԶՈՏԱԿԱՆ ՀԱՄԱԼՍԱՐԱՆՈՒՄ ԿԱՅԱՑԵԼ Է ԳԻՏԱԺՈՂՈՎ ՀԱՅԿԱԿԱՆ ՌԱԶՄԱԱՐԴՅՈՒՆԱԲԵՐՈՒԹՅԱՆ ԶԱՐԳԱՑՄԱՆ ՎԵՐԱԲԵՐՅԱԼ
2019-12-20	ԹՈՒՐՔԱԿԱՆ ԳԼՈՒԽԿՈՏՐՈՒԿՆԵՐ ՄԻՋԵՐԿՐԱԿԱՆ ԾՈՎՈՒՄ
2019-12-20	ԻՆՋԻՐԼԻՔԸ ԵՎ ԿՅՈՒՐԵՋԻՔԸ ՓԱԿԵԼՈՒ ՍՊԱՌՆԱԼԻՔՆԵՐ
2019-12-20	ԱՍԱԴԸ ՀԱՅՏԱՐԱՐԵԼ Է ՍԻՐԻԱՅՈՒՄ ՀԱԶԱՐԱՎՈՐ ԶԻՆԾԱՌԱՅՈՂՆԵՐԻ ՆԵՐԿԱՅՈՒԹՅԱՆ ՄԱՍԻՆ
2019-12-20	ԴԻԱՐԲԵՔԻՐԻ ՍՈՒՐԲ ԿԻՐԱԿՈՍ ՀԱՅԿԱԿԱՆ ԵԿԵՂԵՑՈՒՄ ՎԵՐԱՆՈՐՈԳՄԱՆ ԱՇԽԱՏԱՆՔՆԵՐ ԵՆ ՍԿՍՎԵԼ
2019-12-20	ԳՆԱՑԵ՛Ք ՂԱՐԱԲԱՂ, ՄԱՐԴՆ ՈՒ ՀՈՒՇԱՐՁԱՆԸ ԿՊԱՏՄԵՆ ԳԵՐՄԱՆԱՑԻՆԵՐԻՆ, ԱԶԵՐԻՆԵՐԻՆ, ՄԱԿ-ԻՆ ՄԵՐ ԱՌԱՋԱՐԿԸ
2019-12-20	ԴՈՒՄԻԿՅԱՆԸ ԱՅՑԵԼՈՒ ԳԻՏԱՇԽԱՏՈՂ ՀԱՅԿԱԿԱՆ ԹԱՆԳԱՐԱՆՈՒՄ
2019-12-20	YERVANDASHAT, THE THIRD CAPITAL OF ARMENIA…



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ