ՖՐԻԺԵՏԱ ՂՈՒԿԱՍՅԱՆ (1930-2020) Ա. Բ. Անցած ամիս 89 տարեկանում վախճանվել է կինոխմբագիր, Ռուսաստանի արվեստի վաստակավոր գործիչ, 1960-1990-ական թթ. «Լենֆիլմի» առաջին ստեղծագործական միավորման գլխավոր խմբագիր Ֆրիժետա Գուրգենի Ղուկասյանը, որին իր կենդանության օրոք իսկ համարում էին «Լենֆիլմ» կինոստուդիայի լեգենդներից մեկը։ Ֆրիժետա Ղուկասյանը 1954-ին ավարտել է ՎԳԻԿ-ը։ Նա նպաստել է մի շարք կինդրամատուրգների եւ բեմադրիչների բացահայտմանը եւ կայացմանը, որոնց թվում էին Ալեքսեյ Բատալովը, Ալեքսեյ Գերմանը, Դինարա Ասանովան։ Նրա անունն առկա է «Լենֆիլմի» արտադրած մի շարք կինոնկարներում, որոնց թվումՙ «Երեք հաստլիկները», «Արքա Լիր», «Ընդամենը մեկ կյանք», «Սալյուտ, Մարիա», «Խաղամոլը», «Ալեքսեյ արքայազնը», «Ապուշը», «Շան սիրտը», «Վարպետը եւ Մարգարիտան» եւ այլն։ Եղել է խիստ հարգված անձնավորություն եւ հեղինակւոթյուն շրջապատի, հատկապես երիտասարդության համար։ Բազմիցս եղել է Երեւանում, հանդես եկել դասախոսություններով։ Ֆրիժետա Ղուակսյանն ամուսնացած է եղել ռուսական կինոյի հայազգի օպերատոր Հենրիխ Մարանջյանի հետ։ Նրանց դուստրըՙ Կարինա Մարանջյանը, ռուսական ճապոնագիտության կենտրոնական դեմքերից է։ |
