ՄԵՐ ԸՆԹԵՐՑՈՂՆԵՐԻՆ ՏՆՕՐԵՆՈՒԹՅՈՒՆ Համաճարակի պարտադրած պայմանների հետեւանքով, մարտի 20-ից հետո ամբողջ 6 շաբաթ իր ընթերցողների հետ «թղթային ճանապարհով» հանդիպումից զրկվելուց հետո «Ազգ»ը այսօր կրկին լույս է տեսնում, դժբախտաբար կրճատվածՙ 8 էջով: Ընթերցողների ներողամտությունն ենք հայցում այդ բացակայության եւ էջերի կրճատման համար, խոստովանելով նաեւ, որ սահմանափակ էջերում չենք կարողանում տեղադրել մեր բոլոր հեղինակների նյութերը: Այսուհանդերձ մխիթարական է մեզ համար, որ թղթայինի փոխարեն խմբագրությանս հաջողվեց առցանց տարբերակով հասու դառնալ միջինը օրական 7 հազար ընթերցողի: Մեր հեղինակներն ու աշխատակիցները, այդ թվումՙ օտար 5-6 երկրներից, շարունակեցին տեղեկություններ ու մեկնաբանություներ փոխանցել www.archive.azg.am (azg@azg.am) կայքէջին, որոը նույն եւ ավելի մեծ թափով շարունակելու են ծառայել ընթերցողական հանրությանըՙ տպագիր «Ազգ»ի կողքին, որը, հույս ունենք, շուտով կվերադառնա իր նախկինՙ 16էջյա ծավալին: |
