ԲՐԱՅԶԱՅԻՆ ՀԱՐՑ ՏԱՆՔՙ ՊԱՏԱՍԽԱՆՆ ԱՆԳԻՐ ԻՄԱՆԱԼՈՎ ԱՆԱՀԻՏ ՀՈՎՍԵՓՅԱՆ «Ազգ»ի նախորդ համարներում անդրադարձել ենք Ադրբեջանիՙ մի քանի լիբանանահայերի Արցախում վերաբնակեցնելու հայկական իշխանության հրավերը վիժեցնելու փորձերին: Գրել էինք, որ Բաքվի շահերի պաշտպան են կարգվել ռուս, ուկրաինացի քաղաքագետ պատմաբաններ, որ կոչ են ուղղում հատկապես ԵԱՀԿ Մինսկի խմբինՙ սաստելու հայկական կողմի վերոհիշյալ նախաձեռնությունը: Ադրբեջանական «Թրենդ» գործակալությունը նպատակասլաց աշխատեց նախորդ շաբաթ, որոնեց նորՙ լիբանանցի ու վրացի, իրենց բնութագրմամբ, հայտնի պատմաբան փորձագետներ, որ ահազանգում էին, թե գոնե ՄԱԿ-ը պիտի լուռ չմնա: Առայժմ «Թրենդին»ՙ Բաքվին ականջահաճո կարծիք է վստահել ԵԱՀԿ Մինսկի խմբի ամերիկացի նախկին համանախագահ Մեթյու Բրայզան , որ լիբանանահայ մի քանի ընտանիքներ Արցախում վերաբնակեցնելու նախաձեռնությունը սադրանք (պրովոկացիա) է որակել: Առաջիկայում պատրաստ լինենք հարց տալուՙ միջազգային ո՞ր օրենքն է խախտել Արցախը, լեզվի տակ ունենալով այն բացառող օրենքների անգիր իմացությունը: Խոսենք հատու, փաստերով: Սա դեռ երկար է շահարկվելու: |
