«ՄԵՐ ԵՐԵԽԱՆԵՐԸ Ո՛Չ ԴՊՐՈՑՆԵՐՈՒՄ, Ո՛Չ ՄԱՆԿԱՊԱՐՏԵԶՆԵՐՈՒՄ, Ո՛Չ ԷԼ ԱՅԼ ՏԵՂ ԱՐՏՈՆՅԱԼ ՉԵՆ». ՆԻԿՈԼ ՓԱՇԻՆՅԱՆ

RSS | FACEBOOK | NLA

#029, 2020-09-18 > #030, 2020-09-25 > #031, 2020-10-02 > #032, 2020-10-09 > #033, 2020-10-16

«ԱԶԳ» ՕՐԱԹԵՐԹ #31, 02-10-2020


	Տեղադրվել է` 2020-10-01 23:45:37 (GMT +04:00)
Ընթերցված է` 696, Տպվել է` 7, Ուղարկվել է էլ.փոստով` 0
«ՄԵՐ ԵՐԵԽԱՆԵՐԸ Ո՛Չ ԴՊՐՈՑՆԵՐՈՒՄ, Ո՛Չ ՄԱՆԿԱՊԱՐՏԵԶՆԵՐՈՒՄ, Ո՛Չ ԷԼ ԱՅԼ ՏԵՂ ԱՐՏՈՆՅԱԼ ՉԵՆ». ՆԻԿՈԼ ՓԱՇԻՆՅԱՆ ԷԼԱԴԱ ՊԵՏՐՈՍՅԱՆ Օգոստոսի 10-ին պարետատան նիստի ժամանակ որոշում կայացվեց սեպտեմբերի 15-ից դասերը վերսկսել հանրակրթական դպրոցներում, նախնական եւ միջին մասնագիտական հաստատություններում, երաժշտական, գեղարվեստի, սպորտի դպրոցներումՙ առկա ուսուցմամբ եւ սանիտարահիգիենիկ կանոնների պահպանմամբ: Այս մասին տեղեկացրել էր ԿԳՄՍ նախարար Արայիկ Հարությունյանը : Հայտարարության մեջ նշվում է, որ դասապրոցեսն ընթանալու է դիմակներով: Վերոնշյալ որոշումն ու որոշման մեջ առկա կետերը բազմաթիվ քննարկումների առարկա դարձան: Թե՛ պետական մարմինների ներկայացուցիչները, թե՛ առողջապահական ոլորտի ներկայացուցիչները, թե՛ ուսուցիչներն ու ծնողները չէին պատկերացնում նման ռեժիմով դասապրոցեսը, սակայն ասօր ՀՀ կրթական միջին հաստատությունները կարանտինային պայմաններում հստակ պահպանում են հակահամաճարակային կանոնները, իսկ աշակերտներն էլ պարտաճանաչ կերպով կրում են դիմակ: Մասնագետների խոսքերով, Առողջապահության համաշխարհային կազմակերպության ուղեցույցում գրված է նաեւ դիմակ կրելու անպատեհությունների եւ հնարավոր վնասների մասին: Այդ թերությունների ու վնասների մեջ 2 առանձին կետով հուշվում է, որ դիմակը երեխաների մոտ խնդիր է: Դիմակ կրելու կանոնների խախտումը բերում է դիմակի հետեւանքով վնասվելու ռիսկերի, իսկ երեխաները հենց այն հավաքակազմն են, որոնք հաճախ դիմակը կրելու կանոնների խախտում են թույլ տալիս: ԱՀԿ-ն ասում է նաեւ, որ մինչեւ 12 տարեկան երեխայի հետ գործ չունի: Նշում է, որ չի կարող փաստել մինչեւ 12 տարեկան երեխայի հետ կապված դիմակի օգտակարությունը, որովհետեւ երեխաների մոտ կորոնավիրուսի բարդություններն այնպիսին են, ինչպեսՙ սեզոնային գրիպինը: Երեխաների շրջանում կորոնավիրուսը, որպես այդպիսին, առանձնակի խնդիր չի ներկայացնում, դրա համար ԱՀԿ-ն խուսափում եւ չի ասում, որ դիմակը կարող է օգուտ տալ, սակայն խոսում է հնարավոր վնասի մասին: Ասում է, որ դրանք երեխաների շրջանում կարող են բերել դիմակ կրելու կարգ ու կանոնը չպահպանելուն, իսկ դա իր հերթին բերում է վարակման ռիսկերի մեծացման: Չհաշված, որ երեխաները դպրոցներում, հատկապեսՙ ցածր դասարանի, նոր բառեր ու նոր լեզու սովորող երեխաները պետք է տեսնեն ուսուցչի շուրթերը, որովհետեւ շուրթերի տեսանելիությունն ուսման մեջ կարեւոր բաղադրիչ է: Այդ պրոցեսը դիմակով ծածկելը շատ թյուր ընկալումների եւ անորակ կրթության ռիսկ է պարունակում: Մասնագետների պնդմամբ դիմակ կրելով սահմանափակվում է երեխաների շնչառությունը, եւ քանի որ երեխաների իմունիտետը դեռ լիարժեք ձեւավորված չէ. ապա դժվար է ասել, թե նրանց մարմինը ի՞նչ արձագանք կտա դիմակով խանգարվող նորմալ ֆիզիոլոգիական շնչառությանը: Դա ոչ ոք չի հետազոտել: Ոչ ոք չի ասել, որ դա անվտանգ է: Ընդհանրապես, մեր պաշտոնատար անձանց մոտ ավանդույթ է դարձել ԱՀԿ ուղեցույցը սխալ մեկնաբանելը կամ իրենց հարմարության տեսակետից մեկնաբանելը, ընդհուպՙ բառացի գրված հանձնարարությանը 100 տոկոսով հակառակն իրագործելը»: Բժիշկ, գաստրոէնտերոլոգ Հայկ Մանասյանի խոսքերով, հունիսի 5-ից հետո փնտրում են ապացույցներ, որ դիմակը հարց է լուծում եւ առ այսօր, արդեն երեք ամիս է անցելՙ դեռ տվյալ չգտան: Երեք ամիս ամբողջ աշխարհում պատվաստանյութ են պատրաստում, բայց դիմակ կրելու օգուտը դեռ չեն գտել: Մենք դիմակ ենք կրում այն երաշխավորությամբ, որ դա կարող է օգուտ բերել: «ԱՀԿ ուղեցույցում ամրագրված է, որ դիմակը կրում ենք առանց դրա օգտակարության մասին գիտական ապացույցների», ասում է մասնագետը:

«ԱԶԳ» ՕՐԱԹԵՐԹ #31, 02-10-2020
2020-10-02	ՃԱԿԱՏԸ ՊԱՀԵԼ ԱՄՈՒՐ. ԹԻԿՈՒՆՔԸ ՊԻՆԴ Է
2020-10-02	«ԷՐԴՈՂԱՆԸ ՄԵՐԺՈՒՄ Է ԹՐԱՄՓԻ, ՊՈՒՏԻՆԻ, ՄԱԿՐՈՆԻ ԱՌԱՋԱՐԿԸ»
2020-10-02	ՊԱՏԵՐԱԶՄԸ ԹԱԿԵՑ ՄԵՐ ԴՌՆԵՐԸ
2020-10-02	ՄՈՍԿՎԱՆ ԻՆՉՈ՞Ւ ԼՌՈՒԹՅԱՄԲ ԱՆՑԱՎ ԹՈՒՐՔԱԿԱՆ ՎԱՐՁԿԱՆՆԵՐԻ ԵՎ F-16 ԿՈՐԾԱՆԻՉՆԵՐԻ ԱՌԿԱՅՈՒԹՅԱՆ ՓԱՍՏԻ ՎՐԱՅՈՎ
2020-10-02	ԴԱՍԱԼԻՔՆԵՐԸ
2020-10-02	ԹՈՒՐՔ ԱԶԳԱՅՆԱՄՈԼՆԵՐԸ ԴԱՏԱՊԱՐՏՈՒՄ ԵՆ ՊՈԼՍՈ ՀԱՅՈՒԹՅԱՆԸ, ԻՍԿ ՄԵՋԼԻՍԸՙ ՀԱՅԱՍՏԱՆԻՆ
2020-10-02	ԲԱՅՑ ՀԱՄԱՎԱՐԱԿԻՑ ՊԱՇՏՊԱՆՎԵԼՆ ԷԼ ՄԻ՛ ՄՈՌԱՑԵՔ
2020-10-02	ՎԱՂԸՙ ԳԵՐՄԱՆԻԱՅԻ ԱԶԳԱՅԻՆ ՏՈՆԻՆ ԱՌԱՎԵԼ ԸՆԿԱԼԵԼԻ ԹՈՂ ԴԱՌՆԱ, ՈՐ ՄԵՐ ԶՈՀԵՐԸ ԻՐ ԼՌՈՒԹՅԱՆ ԶՈՀԵՐՆ ԵՆ
2020-10-02	ԱԴՐԲԵՋԱՆԸ ՀԱՏՈՒԿ ԹԻՐԱԽԱՎՈՐՈՒՄ Է ԼՐԱԳՐՈՂՆԵՐԻՆ
2020-10-02	ՆՈՐ ՊԱՏԵՐԱԶՄԻ ԴԵՄՔԸ ՂԱՐԱԲԱՂՈՒՄ
2020-10-02	ՌՈՒՍԱՍՏԱՆԻ ՀԱՅ ՀԱՍԱՐԱԿԱՅՆՈՒԹՅԱՆ ՀԱՅՏԱՐԱՐՈՒԹՅՈՒՆԸ ԱՐՑԱԽԻ ՎՐԱ ԱԴՐԲԵՋԱՆԻ ՀԱՐՁԱԿՄԱՆ ԿԱՊԱԿՑՈՒԹՅԱՄԲ
2020-10-02	ՊԵՆՏԱԳՈՆԸ ՀԱՍՏԱՏՈՒՄ Է ՎԱՐՁԿԱՆՆԵՐԻ ԱՌԿԱՅՈՒԹՅՈՒՆԸ
2020-10-02	ԼԱՎՐՈՎԻ ՈՒ ՉԱՎՈՒՇՕՂԼՈՒԻ ՀԵՌԱԽՈՍԱՅԻՆ ԽՈՐՀՈՒՐԴՆԵՐԸ
2020-10-02	ՄԱՐՏԻՆ ՄԱԼԽԱՍՅԱՆ. «ԻՆՉՊԵՍ ԿԱՐՈՂ ԵՆՔ ՄԵՆՔ ԱՅՍՏԵՂ ՎԱՅԵԼԵԼ ԿՅԱՆՔԸ, ԱՄԱՌՆ ՈՒ ԱՎԱԶՆԵՐԸ, ԵՐԲ ՄԵՐ ԱՐՅՈՒՆՆ Է ՀՈՍՈՒՄ ՍԱՀՄԱՆԻՆ»
2020-10-02	ԹՈՒՐՔԻԱՆ ՍԱՏԱՐՈՒՄ Է ԱԴՐԲԵՋԱՆԻՆ, ՌՈՒՍԱՍՏԱՆԸՙ ՀԱՅԱՍՏԱՆԻՆ
2020-10-02	ԻՆՔՆԱԹԻՌ. ԱՇՈՏԻՑՙ ԱՐՑԱԽԻՆ
2020-10-02	ՎԵՐԱՓՈԽՄԱՆ ՌԱԶՄԱՎԱՐՈՒԹՅՈՒՆ, ՀԱՆԴԵՐՁՅԱԼ ԿՅԱՆՔ ԵՎ ԿՈՄՈՒՆԻԶՄ
2020-10-02	ՔԵԼՉԻՔԻ «ՀԱՅ-ԱՄԵՐԻԿՅԱՆ ԷՍՔԻԶՆԵՐԸ»ՙ ԱՆԳԼԵՐԵՆ
2020-10-02	ՀԱՏՈՒԿ ԾԱՌԱՅՈՒԹՅՈՒՆՆԵՐԻ ԱՇԽԱՐՀԻՑ
2020-10-02	«ՄԵՐ ԵՐԵԽԱՆԵՐԸ Ո՛Չ ԴՊՐՈՑՆԵՐՈՒՄ, Ո՛Չ ՄԱՆԿԱՊԱՐՏԵԶՆԵՐՈՒՄ, Ո՛Չ ԷԼ ԱՅԼ ՏԵՂ ԱՐՏՈՆՅԱԼ ՉԵՆ». ՆԻԿՈԼ ՓԱՇԻՆՅԱՆ
2020-10-02	ՆՊԱՏԱԿԸՙ ՄԵԶ ԱՐԺԱՆԻ ՏՆՏԵՍՈՒԹՅՈՒՆ
2020-10-02	ՏՂԱՆԵՐԸ ՄԵՐ ՀԱՄԱՐ ԻՐԵՆՑ ԿՅԱՆՔՆ ԵՆ ՏԱԼԻՍ, ՄԵՆՔ ԷԼՙ ԱՐՅՈՒՆ
2020-10-02	ՄԵՐ ԱՆԽՈՒՍԱՓԵԼԻ ՀԱՂԹԱՆԱԿՆ ՈՒ ԴՐԱ ՀՈԳԵՎՈՐ ԳՈՐԾՈՆԸ
2020-10-02	ՈՐՈՇ ԹԵՐՈՒԹՅՈՒՆՆԵՐ ՔԱՐՈԶՉԱԿԱՆ ՄԵՐ ՊԱՏԵՐԱԶՄՈՒՄ



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ