ՏՂԱՆԵՐԸ ՄԵՐ ՀԱՄԱՐ ԻՐԵՆՑ ԿՅԱՆՔՆ ԵՆ ՏԱԼԻՍ, ՄԵՆՔ ԷԼՙ ԱՐՅՈՒՆ

RSS | FACEBOOK | NLA

#029, 2020-09-18 > #030, 2020-09-25 > #031, 2020-10-02 > #032, 2020-10-09 > #033, 2020-10-16

«ԱԶԳ» ՕՐԱԹԵՐԹ #31, 02-10-2020

Տեղադրվել է` 2020-10-01 23:45:37 (GMT +04:00)

Ընթերցված է` 820, Տպվել է` 7, Ուղարկվել է էլ.փոստով` 0

ՏՂԱՆԵՐԸ ՄԵՐ ՀԱՄԱՐ ԻՐԵՆՑ ԿՅԱՆՔՆ ԵՆ ՏԱԼԻՍ, ՄԵՆՔ ԷԼՙ ԱՐՅՈՒՆ

ՀԱՍՄԻԿ ՄԽԻԹԱՐՅԱՆ, ՀՊՄՀ լրագրության, 3-րդ կուրս

Արդեն երկրորդ օրն է Երեւանի Ռ.Հ. Յոլյանի անվան արյունաբանական կենտրոնի դիմաց արյան դոնորների հերթը չի պակասում: Մինչեւ ասեղը երակին հասնելը մարդիկ, կանգնած, մեքենաներին հենված, պատերի տակՙ գետնին նստած, սպասում են իրենց հերթին: Դրսում սպասում են չորսից-հինգ ժամ, իսկ ներսումՙ ուրիշ հերթ է:

Ընդունարանի մոտ դոնորները հերթագրվում են, իսկ մյուս մուտքի մոտ արյունատվությանը սպասողներն են:

Մեզ հետ զրույցում 33-ամյա Նարեն ասաց. «Շատ պարտավորված, լարված եւ հուզված ենք, թեկուզ մի բանով կարողանանք օգնել մեր զինվորներին»:

«Դարձի՛ր հերոս, նվիրի՛ր արյուն». հենց այս կարգախոսով է արյունաբանական կենտրոնը ընդունում իր նվիրյալներին: «Հասնելու ենք հաղթանակի ու այս հաղթանակը բոլորինս է լինելու: Պետք լինի վաղն էլ կգամ», ասաց սահմանապահ զինվորի 44-ամյա հայրը, ապա հարցրեց. «Եթե ես չգայի, ուրիշ ո՞վ պետք է գար»:

Սահմանին ընտանիքի անդամ կամ հարազատ ունեն, թե՞ ոչ, էական չէ, վիշտն էլ, հաղթանակն էլ բոլորինս է, մերն ենՙ մեր երեխաները, որին էլ մի բան լինիՙ մեր սիրտը ցավում է, ասում են հավաքվածները:

«Մարդիկ համբերատար եւ ըմբռնումով սպասում են իրենց հերթին եւ ոչ մի տրտունջ, ոչ մի բողոք չի լինում: Շնորհակալ ենք բոլորից», ասաց արյունաբանական կենտրոնի տնօրեն Սամվել Դանիելյանը :

«Մեծ թվով քաղաքացիներ են եկել արյունատվության համար: Մենք սիրով ընդունում ենք բոլորին, սահմանվել է քանակ, որ մարդիկ արդյունավետ ձեւով կարողանան իրենց «պարտքը» հանձնել: Հատուկ կարգ է մշակվել, սպասարկելու ենք առավոտյան ժամը ութից մինչեւ երեկոյան ժամը վեցը», ասաց կենսալաբորանտ Սոնա Գալստյանը , ապա ներկայացրեց, թե ինչ կարգով պետք է հանձնել արյուն. «Մինչեւ արյուն հանձնելը դոնորին տրամադրվում է տեղեկատվական թերթիկ, որով նա ծանոթանում է հակացուցումներին եւ պայմաններինՙ հերթերից խուսափելու համար, այս ամենին կարելի է ծանոթանալ նաեւ արյունաբանական կենտրոնի կայքէջում եւ հերթագրվել զանգահարելովՙ 010-28-38-23, 010-28-38-11 հեռախոսահամարներին»:

Այն որ միասնականության եւ դոնորի պակաս չկա, խաղաղ հերթերն են վկայում, որոնք ուղեկցվում էին երիտասարդների հայրենասիրական կատարումներով:

34-ամյա Անին մի քանի տարի շարունակ արյան դոնոր է. «Առանց մտածելու եմ եկել, պետք է լինենք մեր զինվորների կողքին, սա անհրաժեշտություն է, երկիրը մեր կարիքն ունի, այս ամենը նվազագույնն է, ինչ կարող ենք անել»:

Աղոթելով զինվորների համար միայն մի բան են խնդրում բոլորը. «Աստված պահապան լինի մեր զինվորներին եւ մեծ համբերություն տա բոլորի ընտանիքներին: Տղեքը իրենց կյանքն են տալիս մեզ համար, արյունը ինչ է, որ մենք չտանք իրենց համար»:

«ԱԶԳ» ՕՐԱԹԵՐԹ #31, 02-10-2020
2020-10-02	ՃԱԿԱՏԸ ՊԱՀԵԼ ԱՄՈՒՐ. ԹԻԿՈՒՆՔԸ ՊԻՆԴ Է
2020-10-02	«ԷՐԴՈՂԱՆԸ ՄԵՐԺՈՒՄ Է ԹՐԱՄՓԻ, ՊՈՒՏԻՆԻ, ՄԱԿՐՈՆԻ ԱՌԱՋԱՐԿԸ»
2020-10-02	ՊԱՏԵՐԱԶՄԸ ԹԱԿԵՑ ՄԵՐ ԴՌՆԵՐԸ
2020-10-02	ՄՈՍԿՎԱՆ ԻՆՉՈ՞Ւ ԼՌՈՒԹՅԱՄԲ ԱՆՑԱՎ ԹՈՒՐՔԱԿԱՆ ՎԱՐՁԿԱՆՆԵՐԻ ԵՎ F-16 ԿՈՐԾԱՆԻՉՆԵՐԻ ԱՌԿԱՅՈՒԹՅԱՆ ՓԱՍՏԻ ՎՐԱՅՈՎ
2020-10-02	ԴԱՍԱԼԻՔՆԵՐԸ
2020-10-02	ԹՈՒՐՔ ԱԶԳԱՅՆԱՄՈԼՆԵՐԸ ԴԱՏԱՊԱՐՏՈՒՄ ԵՆ ՊՈԼՍՈ ՀԱՅՈՒԹՅԱՆԸ, ԻՍԿ ՄԵՋԼԻՍԸՙ ՀԱՅԱՍՏԱՆԻՆ
2020-10-02	ԲԱՅՑ ՀԱՄԱՎԱՐԱԿԻՑ ՊԱՇՏՊԱՆՎԵԼՆ ԷԼ ՄԻ՛ ՄՈՌԱՑԵՔ
2020-10-02	ՎԱՂԸՙ ԳԵՐՄԱՆԻԱՅԻ ԱԶԳԱՅԻՆ ՏՈՆԻՆ ԱՌԱՎԵԼ ԸՆԿԱԼԵԼԻ ԹՈՂ ԴԱՌՆԱ, ՈՐ ՄԵՐ ԶՈՀԵՐԸ ԻՐ ԼՌՈՒԹՅԱՆ ԶՈՀԵՐՆ ԵՆ
2020-10-02	ԱԴՐԲԵՋԱՆԸ ՀԱՏՈՒԿ ԹԻՐԱԽԱՎՈՐՈՒՄ Է ԼՐԱԳՐՈՂՆԵՐԻՆ
2020-10-02	ՆՈՐ ՊԱՏԵՐԱԶՄԻ ԴԵՄՔԸ ՂԱՐԱԲԱՂՈՒՄ
2020-10-02	ՌՈՒՍԱՍՏԱՆԻ ՀԱՅ ՀԱՍԱՐԱԿԱՅՆՈՒԹՅԱՆ ՀԱՅՏԱՐԱՐՈՒԹՅՈՒՆԸ ԱՐՑԱԽԻ ՎՐԱ ԱԴՐԲԵՋԱՆԻ ՀԱՐՁԱԿՄԱՆ ԿԱՊԱԿՑՈՒԹՅԱՄԲ
2020-10-02	ՊԵՆՏԱԳՈՆԸ ՀԱՍՏԱՏՈՒՄ Է ՎԱՐՁԿԱՆՆԵՐԻ ԱՌԿԱՅՈՒԹՅՈՒՆԸ
2020-10-02	ԼԱՎՐՈՎԻ ՈՒ ՉԱՎՈՒՇՕՂԼՈՒԻ ՀԵՌԱԽՈՍԱՅԻՆ ԽՈՐՀՈՒՐԴՆԵՐԸ
2020-10-02	ՄԱՐՏԻՆ ՄԱԼԽԱՍՅԱՆ. «ԻՆՉՊԵՍ ԿԱՐՈՂ ԵՆՔ ՄԵՆՔ ԱՅՍՏԵՂ ՎԱՅԵԼԵԼ ԿՅԱՆՔԸ, ԱՄԱՌՆ ՈՒ ԱՎԱԶՆԵՐԸ, ԵՐԲ ՄԵՐ ԱՐՅՈՒՆՆ Է ՀՈՍՈՒՄ ՍԱՀՄԱՆԻՆ»
2020-10-02	ԹՈՒՐՔԻԱՆ ՍԱՏԱՐՈՒՄ Է ԱԴՐԲԵՋԱՆԻՆ, ՌՈՒՍԱՍՏԱՆԸՙ ՀԱՅԱՍՏԱՆԻՆ
2020-10-02	ԻՆՔՆԱԹԻՌ. ԱՇՈՏԻՑՙ ԱՐՑԱԽԻՆ
2020-10-02	ՎԵՐԱՓՈԽՄԱՆ ՌԱԶՄԱՎԱՐՈՒԹՅՈՒՆ, ՀԱՆԴԵՐՁՅԱԼ ԿՅԱՆՔ ԵՎ ԿՈՄՈՒՆԻԶՄ
2020-10-02	ՔԵԼՉԻՔԻ «ՀԱՅ-ԱՄԵՐԻԿՅԱՆ ԷՍՔԻԶՆԵՐԸ»ՙ ԱՆԳԼԵՐԵՆ
2020-10-02	ՀԱՏՈՒԿ ԾԱՌԱՅՈՒԹՅՈՒՆՆԵՐԻ ԱՇԽԱՐՀԻՑ
2020-10-02	«ՄԵՐ ԵՐԵԽԱՆԵՐԸ Ո՛Չ ԴՊՐՈՑՆԵՐՈՒՄ, Ո՛Չ ՄԱՆԿԱՊԱՐՏԵԶՆԵՐՈՒՄ, Ո՛Չ ԷԼ ԱՅԼ ՏԵՂ ԱՐՏՈՆՅԱԼ ՉԵՆ». ՆԻԿՈԼ ՓԱՇԻՆՅԱՆ
2020-10-02	ՆՊԱՏԱԿԸՙ ՄԵԶ ԱՐԺԱՆԻ ՏՆՏԵՍՈՒԹՅՈՒՆ
2020-10-02	ՏՂԱՆԵՐԸ ՄԵՐ ՀԱՄԱՐ ԻՐԵՆՑ ԿՅԱՆՔՆ ԵՆ ՏԱԼԻՍ, ՄԵՆՔ ԷԼՙ ԱՐՅՈՒՆ
2020-10-02	ՄԵՐ ԱՆԽՈՒՍԱՓԵԼԻ ՀԱՂԹԱՆԱԿՆ ՈՒ ԴՐԱ ՀՈԳԵՎՈՐ ԳՈՐԾՈՆԸ
2020-10-02	ՈՐՈՇ ԹԵՐՈՒԹՅՈՒՆՆԵՐ ՔԱՐՈԶՉԱԿԱՆ ՄԵՐ ՊԱՏԵՐԱԶՄՈՒՄ



	ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

	ԱԶԴԱԳԻՐ