RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ
#030, 2021-08-19 > #031, 2021-08-26 > #032, 2021-09-03 > #033, 2021-09-10 > #034, 2021-09-17

«ԱԶԳ» ՕՐԱԹԵՐԹ #32, 03-09-2021



ՄՇԱԿՈՒՅԹ

Տեղադրվել է` 2021-09-02 23:06:44 (GMT +04:00)


Ընթերցված է` 1566, Տպվել է` 4, Ուղարկվել է էլ.փոստով` 0

ՄԱՐԻՆԱ ՑՎԵՏԱԵՎԱՅԻ ԺՈՂՈՎԱԾՈՒՆՙ ՌՈՒԶԱՆ ՀՈՎԱՍԱՓՅԱՆԻ ԹԱՐԳՄԱՆՈՒԹՅԱՄԲ

ՄԱՐԻԵՏԱ ԽԱՉԱՏՐՅԱՆ

Անհանգիստ մեր ժամանակների թոհուբոհի մեջ այս շաբաթասկզբին համարյա աննկատ տեղի ունեցավ հայ թարգմանական գրականության համար նշանակալի իրադարձությունՙ լույս տեսավ Մարինա Ցվետաեւայի 80 բանաստեղծության հայերեն ժողովածունՙ հիանալի բանաստեղծուհի Ռուզան Հովասափյանի թարգմանությամբ: Սա այն դեպքն է, երբ եւ Ցվետաեւայի բախտն է բերելՙ իր բանաստեղծության խորքը զգացող ու այդ խորքը, թրթիռը, մեղեդին հայկական ալգորիթմով հնչեցնող նույնքան նուրբ, նույնքան բառի ու զգացմունքի մեղեդին միաձուլող հայ բանաստեղծուհուն հանդիպելով, իսկ Ռուզանի բախտն էլ բերել է, որովհետեւ ամեն մեկին չէ վիճակված դիպչել Ցվետաեւայինՙ վերապրելով նրան տողի ու պատկերի մեջ, բանաստեղծությա՛մբ: Մանավանդՙ Մարինա Ցվետաեւայի մի շարք ամենահայտնի բանաստեղծությունները հայկական հնչողության են փոխադրել Հրաչյա Բեյլերյանը , Անահիտ Պարսամյանը , ուրիշներ, այդ տարբերակները հայ ընթերցողը հասցրել է սիրել, եւ հիմա դրանցից շատերը նոր տարբերակով են ներկայանում: Ասենք, որ Ցվետաեւա-Հովասափյան հանդիպումն, իրոք, ստացվել է, Ցվետաեւայի պոեզիայի սիրահարներին , կարելի է ասել, իսկական նվեր է մատուցվելՙ նրա խորը, մեղեդային, անպարփակ զգացումներով լի պոեզիան հայերեն հնչողությամբ ըմբոշխնելու նոր առիթի առումով: Ցվետաեւայի 80 բանաստեղծությունները հայերեն տարբերակների կողքին կան նաեւ բնօրինակները ռուսերեն, իսկ այս հիանալի հրատարակությունը կայացել է Հայաստանում գիտության եւ մշակույթի ռուսական կենտրոնի աջակցությամբ, որտեղ էլ ջերմ մթնոլորտում շաբաթասկզբին կայացավ գրքի շնորհանդեսը: Գաղափարը սիրված ասմունքող Սիլվա Յուզբաշյանինն է, գրքի խմբագիրը թարգմանիչ Խորեն Գասպարյանն է:

Ասել այս բոլորը, նշանակում է ոչինչ չասել, եթե չգիտեք Ռուզան Հովասափյան բանաստեղծուհուն: Նրա մասին առաջին անգամ իմացել եմ գրականագետ եւ բանաստեղծ Լեւոն Սարգսյանից , որը տարիներ առաջ Ռուզանի առաջին գրքի մասին հրապարակում էր բերել «Ազգ»ՙ ոգեւորված, որ գրական աշխարհ նոր եւ հիանալի բանաստեղծուհու մուտքն է ավետում: Այդ օրվանից հետեւել եմ Ռուզան Հովասափյանի պոեզիային, որին ընթերցողը որեւէ մեկի հետ չի շփոթի երբեքՙ այնքան ինքնատիպ, հիշվող ու գեղեցիկ են նրա բանաստեղծությունները: Դրանք պատկերներ են, որտեղ երեք-չորս բառի մեջ գուցե գտնեք մի ողջ կյանք, մի ողջ սեր, զգացմունքի մեղեդին ու մեղեդու զգացական կողմը: Ու, իրոք, այդքան խորը զգացող, բառի հոգին պեղող, բանաստեղծական պատկերն ու կյանքի դիպվածները նույնականացնող բանաստեղծուհու առնչությունը Ցվետաեւայի պոեզիային պետք է լիներ հաջողված եւ վառ ժողովածուն, որն ընթերցողին կարող է կտրել նյութական աշխարհից:

Փոխանցենք նաեւ գրքի առաջաբանի հեղինակ, բանասիրական գիտությունների թեկնածու Թադեւոս Թադեւոսյանի գնահատականը, թե կարելի է ասել, որ առաջին անգամ Ռուզան Հովասափյանն է Ցվետաեւայի բանաստեղծական արվեստում մարմնավորված ռուս դասական գրականության գլուխգործոցները ներդրել հայ քնարական մշակույթի գանձարանում:

Ահա ռուս բանաստեղծուհուց մեզ փոխանցված մի պատկեր.

Ձեր նուրբ բերանը-ողջը համբույր է...-

Եւ դա ամենն է- ես ոչինչ չունեմ:

Նվաճո՞ղ եմ ես, ո՛չ, նվաճու՞մ եմ

Ո՞վ եմ ես հիմա- Միա՞կ, ոչ, բյո՛ւր եմ.

Արդյոք սե՞ր է դա, թե՞ սքանչացում,

Նախապատճա՞ռ է, թե՞ գրչի քմայք,

Հրեշտակային ծեսով տառապա՞նք,

Թե՞ ըստ կոչումի հորինվածք շինծու...

Հոգու տրտմություն, աչքերի հմայք

Գրչի մի շարժում, ա՜խ , մեկ չէ՞ միթեՙ

Ինչպես կկանչեն շուրթերը երբ դեռ

Ձեր նուրբ բերանը- համբո՜ւյր է համակ:

 
 

«ԱԶԳ» ՕՐԱԹԵՐԹ #32, 03-09-2021

2021-09-03THE DANGERS OF ARMENIAN-TURKISH RAPPROCHEMENT
2021-09-03ՏԵՂԱՆՈՒՆՆԵՐՙ ԹՈՒՐՔ-ԱԴՐԲԵՋԱՆԱԿԱՆ ԶԻՆԱՆՈՑԻ ՅՈՒՐՕՐԻՆԱԿ ՈՒ ՏԱՐՕՐԻՆԱԿ ԶԻՆԱՏԵՍԱԿԸ
2021-09-03ՀԱՐՑ ՀԱՅ ՊԱՏՄԱԲԱՆՆԵՐԻՆՙ Ի՞ՆՉ ՕՐ Է 1923-Ի, 2021-Ի ՀՈՒԼԻՍԻ 7-Ը
2021-09-03ԱՐՑԱԽԻ ՀԱՆՐԱՊԵՏՈՒԹՅՈՒՆ, 30-ԱՄՅԱԿ
2021-09-03Ո՞ՐՆ Է ԻՐԱՆԻ ԿԱՐՄԻՐ ԳԻԾԸ
2021-09-03ԳՈՐԾ ԿԱՅ, ԳՈՐԾՈՂ ՉԿԱՅ
2021-09-03ԱՄՆ-Ը ՊԱՏՐԱՍՏՎՈՒՄ Է ՀԱՄԱԳՈՐԾԱԿՑԵԼ «ԹԱԼԻԲԱՆԻ» ՀԵՏ
2021-09-03ՆԱՄԱԿՙ ԽՄԲԱԳՐՈՒԹՅԱՆԸ
2021-09-03ԵՌՕՐՅԱ ՍՈՒԳ ՀՈՒՆԱՍՏԱՆՈՒՄ. «ԺՈՂՈՎՐԴԻ ՁԱՅՆԸ» ՄԱՐԵՑ
2021-09-03ՓԱՇԻՆՅԱՆԸ, ՓԱՍՏԱՑԻ, ՍԱՀՄԱՆԱԶԱՏՄԱՆ ԳՈՐԾԸՆԹԱՑԻ ՄԵԿՆԱՐԿԸ ՏՎԵՑ
2021-09-03ԱՖՂԱՆՍՏԱՆԸ ՀԱՅԱՍՏԱՆԻ ՔԱՂԱՔԱԿԱՆ ՕՐԱԿԱՐԳՈՒՄ
2021-09-03ՀԱՅԱՍՏԱՆԸ ՊԱՏՐԱ՞ՍՏ Է «ԽԱՂԱՂՈՒԹՅԱՆ ՊԱՅՄԱՆԱԳՐԻ»
2021-09-03ԻՇԽԱՆՈՒԹՅՈՒՆՆ ԱՅԺՄ ԷԼ ԱԺ ՑԱՆԿԱՊԱՏՆ Է ՑԱՆԿԱՆՈՒՄ ԲԱՐՁՐԱՑՆԵԼ
2021-09-03ՍՈՎՈՐԱԿԱՆ ՍԱԴԻԶՄ
2021-09-03«ԲԱՔՈՒՆ ԵՐԵՎԱՆԻՆ ՍՊԱՌՆՈՒՄ Է «ԽԱՂԱՂՈՒԹՅԱՆ ՊԱՅՄԱՆԱԳՐՈՎ»
2021-09-03ԱՐՑԱԽԸ ԵՂԵԼ Է ՈՒ ՊԵՏՔ Է ՇԱՐՈՒՆԱԿԻ ՄՆԱԼ ՀԱՄԱՅՆ ՀԱՅՈՒԹՅԱՆ ԱԶԳԱՅԻՆ ԳԱՂԱՓԱՐՆ ՈՒ ԵՐԱԶԱՆՔԸ
2021-09-03ՀԱՅԱՍՏԱՆԻ ՏՆՏԵՍՈՒԹՅՈՒՆԸ 2021 Թ. ԱՌԱՋԻՆ ԿԻՍԱՄՅԱԿՈՒՄ ԵԱՏՄ-ԻՆ ՄԵՐ ԵՐԿՐԻ ԱՆԴԱՄԱԿՑՈՒԹՅԱՆ ՀԱՄԱՏԵՔՍՏՈՒՄ: (ՄԱՍ ԵՐԿՐՈՐԴ)
2021-09-03ՀԱՅ ՌԱԶՄԱՎԱՐԱԿԱՆ ՄԻՏՔՆ ԸՆԴԴԵՄ ԱՐՏԱՔԻՆ ԵՎ ՆԵՐՔԻՆ ՍՊԱՌՆԱԼԻՔՆԵՐԻ
2021-09-03ՀԱՐԿԱՎՈՐ Է ՀԱՂԹԱՆԱԿԻ ՀԱՎԱՏԸ ՊԱՀԵԼ ՈՒ ՄԻԱԿԱՄ ԼԻՆԵԼ
2021-09-03ՀՀ-ՈՒՄ «ՖՈՐՄՈՒԼԱ 1»-Ի ԱՆՑԿԱՑՄԱՆ ՇՈՒՐՋ
2021-09-03ՌՈՒՍԱՍՏԱՆԻ ՀՅՈՒՍԻՍՈՒՄ ՊԱՀՈՒՄ ԵՆ ՆԵԼՍՈՆ ՍՏԵՓԱՆՅԱՆԻ ՀԻՇԱՏԱԿԸ
2021-09-03ՄՈՆՐԵԱԼԱԲՆԱԿ ՃԱՐՏԱՐԱՊԵՏԻ ԲԱՑ ՆԱՄԱԿԸ ԵՐԵՎԱՆԻ ՔԱՂԱՔԱՊԵՏԱՐԱՆԻՆ
2021-09-03ՆՈՐ ՈՒՍՈՒՄՆԱԿԱՆ ՏԱՐԻ, ՆՈՐ ԿԱՆՈՆՆԵՐ
2021-09-03ՑԵՂԱՍՊԱՆՈՒԹՅՈՒՆ ԱՌԱՐԿԱՆ ԴԱՍԱՎԱՆԴԵԼՈՒ ՆՈՐ ՕՐԵՆՔ ՌՈԴ ԱՅԼԵՆԴՈՒՄ
2021-09-03ՊԱՏՎԱՍՏՎԵԼ, ԹԵ՞ ՈՉ, ԱՅՍ Է ԽՆԴԻՐԸ
2021-09-03ՈՌՈԳՄԱՆ ԽՆԴԻՐՆԵՐԻ ՀԵՏԵՎԱՆՔՆԵՐԸ
2021-09-03ՋՐԱԾՆԱՅԻՆ ԷՆԵՐԳԻԱՅԻ ԱՊԱԳԱՆ
2021-09-03ԱՐՁԱԳԱՆՔ ԵՐՎԱՆԴ ՏԵՐ-ԽԱՉԱՏՐՅԱՆԻ «ԹՈՒՂԹ ՄԵՂԱՅԱԿԱՆ» ՀՈԴՎԱԾԻՆ
2021-09-03ՄԱՐԻՆԱ ՑՎԵՏԱԵՎԱՅԻ ԺՈՂՈՎԱԾՈՒՆՙ ՌՈՒԶԱՆ ՀՈՎԱՍԱՓՅԱՆԻ ԹԱՐԳՄԱՆՈՒԹՅԱՄԲ
2021-09-03ԵՐԵՎԱՆՅԱՆ ԱՌԱՋԻՆ ՊԱՐԱՏՈՆ-ՓԱՌԱՏՈՆԸ
2021-09-03ԱԼՄԻՆԻ ՀԻՇԱՏԱԿԻՆ
2021-09-03ՋՈՐՋ ԲՈՒՌՆՈՒԹՅԱՆ
2021-09-03ԱԼԵՔՍԱՆԴՐ ՄՈՎՍԵՍՅԱՆՆ ՀԱՃԱՐԵՆՈՒՑ ՔԱՄԱՆՉԱ Է ՊԱՏՐԱՍՏԵԼ, ՈՐՈՎ ՆՎԱԳԵԼ Է ՄԻՋԱԶԳԱՅԻՆ ՓԱՌԱՏՈՆՆԵՐՈՒՄ
2021-09-03ՀԱՅ ԳՐՈՂԻ ՊԱՏՄՎԱԾՔԸ ՌՈՒՍԱԼԵԶՈՒ ՀԱՆԴԵՍՈՒՄ
2021-09-03ԼՈՒՅՍ Է ՏԵՍԵԼ
2021-09-03ՍԵՐ, ՈՐ ԻՐ ՇՈՒՐՋ ԾՓՈՒՄ Է
2021-09-03ՄԱՀԱՑԵԼ Է ԱԼԵՔՍԱՆԴՐ ԹՈՓՉՅԱՆԸ

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ