Ռ. ՀՈՎՀԱՆՆԻՍՅԱՆԻ «ԽԱՐԲԵՐԴԸ» ԹՈՒՐՔԵՐԵՆ Հ. Ծ. Ստամբուլի «Արաս» հրատարակչատունը լույս է ընծայել թուրքերեն լեզվով պրոֆ. Ռիչարդ Հովհաննիսյանի Լոս Անջելեսի Կալիֆոռնիա համալսարանում 1997-2009 թվերին կազմակերպած պատմական Հայաստանի քաղաքների եւ նահանգների մասին գիտաժողովների նյութերի 3-րդ հատորըՙ նվիրված Խարբերդին: Անգլերեն բնագրի վերնագիրն էր «Հայկական ծոփք/Խարբերդ» եւ ընդգրկում էր 15 գլուխ այդ տարածաշրջանի պատմական անցյալի մասինՙ ընդհուպ ցեղասպանությունը: Նախկինում «Արաս» հրատարակչատունը հրատարակել էր «Վան» եւ «Բիթլիս վե Մուշ» հատորները, խոստանալով թարգմանել եւ լույս ընծայել գիտաժողովի նյութերի բոլոր 14 հատորները: «Ես այս քայլը նշանակալի եւ դրական զարգացում եմ համարում», նշել է պրոֆ. Հովհաննիսյանը: | 
