Տեղադրվել է` 2018-09-28 19:09:07 (GMT +04:00)

Ընթերցված է` 1869, Տպվել է` 4, Ուղարկվել է էլ.փոստով` 0

ՀԱՅԿԻ ՈՒ ԲԵԼԻ ԱՌԱՍՊԵԼԸ ՃԱՊՈՆԵՐԵՆ ԺՈՂՈՎԱԾՈՒՈՒՄ

Ա. Բ.

Ճապոնական «Սոգենշա» հրատարակչությունն այս տարի լույս է ընծայել «Աշխարհի առասպելները. որտեղ կարելի է տեսնել ծագումը» ժողովածուն, որտեղ ընդգրկված են մեկական ծագումնաբանական առասպելներ աշխարհի քսան տարբեր ժողովուրդներից: Գրքում տեղ է գտել նաեւ Հայկ եւ Բելի առասպելըՙ «Մարդիկ կռվում են սրբազան լեռան ֆոնին» վերնագրով, որ ներկայացրել է Շիննոսուկե Մաթսուին : Այս հետազոտողը Կյոտոյի եւ Կոբեի համալսարաններում եւ Օսակայի Արդյունաբերական համալսարանում դասավանդում է ֆրանսերեն լեզու, արդի եվրոպագիտություն, սփյուռքագիտություն եւ գիտություն խաղաղության մասինՙ հաճախ անդրադառնալով հայ ժողովրդին եւ Հայոց ցեղասպանությանը: Իր թեկնածուական ատենախոսությունը Մաթսուին գրել է Ֆրանսիայի հայկական վարժարանների մասին: 1996 եւ 2018 թվականներին Շիննոսուկե Մաթսուին այցելել է Հայաստան: