ՀԱՅ ՊԱՏԱՆԻՆԵՐԸՙ ԲԱԼԵՏԱՅԻՆ ՓԱՌԱՏՈՆԻ ՄՐՑԱՆԱԿԱԿԻՐՆԵՐ Ա. Բ. 2019 թվականի մարտի 27-ից 30-ը Թբիլիսիում անցկացվել է Վախթանգ Ճաբուկիանիի անվան VI միջազգային բալետային մրցույթ-փառատոնը: Ա. Սպենդիարյանի անվան օպերայի եւ բալետի ազգային ակադեմիական թատրոնի բալետի պարող Րաֆֆի Գալստյանը «Դասական պար» անվանակարգում արժանացել է առաջին, իսկ «Ժամանակակից պար» անվանակարգումՙ երկրորդ մրցանակի: Նույն թատրոնից մեկ այլ պարողՙ Մուշեղ Ավետիսյանը , «Դասական պար» անվանակարգում արժանացել է առաջին մրցանակի եւ մրցույթ-փառատոնի մասնակցության դիպլոմի: Հայաստանից մրցույթ-փառատոնին մասնակցել են Երեւանի պարարվեստի պետական քոլեջի 24 սաները: Կրտսեր խմբում «Դասական պար» անվանակարգում երրորդ մրցանակը ստացել է Նարեկ Արամյանը , երկրորդ տեղըՙ Ելիզավետա Խաչատրյանը , իսկ առաջին տեղըՙ Էլյա Ասլանյանը : Ավագ խմբում «Դասական պար» անվանակարգում երրորդ մրցանակը ստացել է Գոռ Սարգսյանը , երկրորդըՙ Նատալի Սուքիասովան : «Ժամանակակից պար» անվանակարգում Գոռ Սարգսյանը արժանացել է առաջին մրցանակի, իսկ կրտսեր խմբում առաջին մրցանակը ստացել է Նարեկ Ջուլհակյանը : «Հանձնաժողովի համակրանք» մրցանակին արժանացել է Սաթենիկ Ղազարյանը : «Դասական պար» անվանակարգում մրցույթ-փառատոնի դափնեկիրներ են դարձել Ալեքս Խաչատրյանը , Գեւորգ Խաչատրյանը , Յուրա Մարտիրոսյանը եւ Հասմիկ Ոսկանյանը : Ավելացնենք, որ մրցույթ-փառատոնի ժյուրիի կազմում ընդգրկված է եղել նաեւ «Բեռլինի Պետական բալետ» խմբի մենակատար Արշակ Ղալումյանը : Նկար 1. Մուշեղ Ավետիսյան Նկար 2. Րաֆֆի Գալստյան | 
