ՀԱՂՈՐԴԱԳՐՈՒԹՅՈՒՆ ՍԽԱԼԻ ՄԱՍԻՆԵթե կա անհրաժեշտություն ստանալ պատասխան խմբագրությունից, ապա խնդրում ենք հաղորդագրության մեջ նշել նաև Ձեր էլ.հասցեն։ |
| «ԱԶԳ» ՕՐԱԹԵՐԹ #17, 2013-02-13 ՀՈՒՆԱՍՏԱՆ ՏԻԳՐԱՆ ԱԲԱՍՅԱՆԻՆ ՇՆՈՐՀՎԵԼ Է «ՊՈՂՈՍ ՆՈՒԲԱՐ ՓԱՇԱ» ՄԵԴԱԼ«Արմինյն միրոր-սփեքթեյթր» շաբաթաթերթի հունվարի 26-ի համարը տեղեկացնում է, որ դեկտեմբերի 28-ին Աթենքի հայկական դեսպանատանը կայացած պաշտոնական արարողության ժամանակ Հունաստանում ՀՀ դեսպան Գագիկ Ղալաչյանը սփյուռքի նախարարության «Պողոս Նուբար Փաշա» մեդալն է շնորհել ՀԲԸՄ-ի Հունաստանի շրջանակային հանձնաժողովի ատենապետ Տիգրան Աբասյանին տեղի հայկական համայնքին իր քառասնամյա նվիրվածության եւ անսակարկ ծառայությունների համար: Աբասյանը Կիպրոսի Մելգոնյան կրթական հաստատության շրջանավարտներից է: Համակարգչային տվյալների վերլուծաբան-մասնագետը արդեն ավելի քան 2 տասնամյակ վարում է տեղի ՀԲԸՄ-ի ատենապետի պաշտոնը: Նա նաեւ ղեկավար պաշտոններ է զբաղեցրել ՌԱկուսակցության եւ «Արարատ մշակութային ասոցիացիայի» շարքերում, իր ծառայությունները բերել ՀԲԸՄ-ի Գալփակյան ամենօրյա վարժարանին եւ ՌԱԿ-ի երեք լեզուներով (հունարեն, հայերեն, անգլերեն) լույս տեսնող «Նոր աշխարհ» շաբաթաթերթին: Մեր անկեղծ շնորհավորանքները եւ առաջիկայում նորանոր հաջողությունների մաղթանքները նրան: Հ. Ծ https://www.archive.azg.am/AM/2013021317 © AZG Daily, 2008 |