ՀԱՂՈՐԴԱԳՐՈՒԹՅՈՒՆ ՍԽԱԼԻ ՄԱՍԻՆ

Եթե կա անհրաժեշտություն ստանալ պատասխան խմբագրությունից, ապա խնդրում ենք հաղորդագրության մեջ նշել նաև Ձեր էլ.հասցեն։

ՆԱԽԱԳԱՀ ԱՐՄԵՆ ՍԱՐԳՍՅԱՆԻ ԱՌԱՋԻՆ ՆՇԱՆԱԿՈՒՄՆԵՐԸ

Նախագահ Արմեն Սարգսյանն օրերս հրամանագիր է ստորագրել ՀԱՄԼԵՏ ԳԱՍՊԱՐՅԱՆԻՆ Հանրապետության նախագահի խորհրդական նշանակելու մասին:

Մինչ նշանակում Համլետ Գասպարյանը զբաղեցնում էր արտաքին գործերի նախարարի խորհրդականի եւ քաղաքական ծրագրավորման վարչության պետի պաշտոնը: Ավելի քան 15 տարի Հ. Գասպարյանը դիվանագիտական ծառայության մեջ է գտնվել արտասահմանյան երկրներում. նախ Ֆրանսիայումՙ որպես դեսպանորդ, այնուհետեւ Ռումինիայումՙ որպես արտակարգ եւ լիազոր դեսպան: Բացի այդ, Հ. Գասպարյանը «Ազգ» օրաթերթի հիմնադիր կազմի անդամ է, թերթի փոխ խմբագիրը շուրջ 5 տարի:

Նախագահի մեկ այլ հրամանագրով ԱՐԱ ԱԼԵՔՍԱՆՅԱՆԸ նշանակվել է Հանրապետության նախագահի խորհրդականՙ հասարակական հիմունքներով:

Արա Ալեքսանյանը ֆիզիկամաթեմատիկական գիտությունների դոկտոր, պրոֆեսոր է, դասավանդում է Երեւանի պետական համալսարանում: Դիսկրետ մաթեմատիկայի եւ տեսական ինֆորմատիկայի ամբիոնի վարիչն է:

Նախագահ Արմեն Սարգսյանի կարգադրությամբ ՀԱՍՄԻԿ ՊԵՏՐՈՍՅԱՆԸ նշանակվել է Հանրապետության նախագահի օգնական:

Շնորհավորում եւ հաջողություններ ենք մաղթում նորանշանակյալներին:

https://www.archive.azg.am/AM/2018041307

© AZG Daily, 2008