ՀԱՂՈՐԴԱԳՐՈՒԹՅՈՒՆ ՍԽԱԼԻ ՄԱՍԻՆ
Եթե կա անհրաժեշտություն ստանալ պատասխան խմբագրությունից, ապա խնդրում ենք հաղորդագրության մեջ նշել նաև Ձեր էլ.հասցեն։
ԲԱՂԱՆԻՍ ՀԱՄԱՅՆՔԻ ԽՈՏՀԱՐՔՆԵՐԸ ԴՐՎՈՒՄ ԵՆ ՊԱՀՊԱՆՈՒԹՅԱՆ ՏԱԿ...
ՀՀ Տավուշի մարզի Բաղանիս համայնքի համայնքապետ Նարեկ Սահակյանը իր ֆեյսբուքյան էջում հայտարարություն էր տարածել .
«Հարգելի համագյուղացիներ, տեղեկացնում ենք, որ ս/թ ապրիլի հինգից գյուղի հարակից համայնքային ենթակայության, եւ ոչ միայն խոտհարքները դրվում են պահպանության տակ, ուստի խնդրում ենք անասուներին հեռու պահել վերը նշված վայրերից»:
Անձամբ խոսեցի համայնքապետի հետ:
«Նախ նշեմ, որ հայտարարությունս սահմանազաման մասին չի: Ուղղակի խոտհարք ենք անում, որ գյուղացիները հուլիսին հունձ կազմակերպեն անասունների ձմեռվա կերի համար»,- ասաց նա:
Իմ այն հարցին, թե արդյո՞ք խոտհարքներում անասուններին արածեցնելու վտանգ կա, նա պատասխանեց.
«1990 թվականից մեզ համար սովորական բան է դարձել սահման կամ վտանգավորություն եւ այլն, եւ այլն: Կներեք իհարկե, բայց խուճապը ավելի շատ թերթներ են տարածում եւ երեւաններում համակարգչի դիմացը նստած հոդվածներ գրող լրագրողները, մեղմ ասած, հաճելի չի»,- ասաց Նարեկ Սահակյանը
Հարցին, թե՞ վերջին ամիսներին Բաղանիս գյուղում սահմանային որեւէ անկարգություն կամ միջադեպեր գրանցվե՞լ են:
Համայնքապետը պատասխանեց կտրուկՙ ո՛չ:
ՀՊՄՀ Լրագրության բաժնի 3-րդ կուրսի ուսանողուհիՙ ԳՈՀԱՐ ՊԵՏՐՈՍՅԱՆ
https://www.archive.azg.am/AM/2021041613
© AZG Daily, 2008