ՈՒՂԱՐԿԵԼ ԽՄԲԱԳՐԻՆԵթե կա անհրաժեշտություն ստանալ պատասխան խմբագրությունից, ապա խնդրում ենք հաղորդագրության մեջ նշել նաև Ձեր էլ.հասցեն։ |
«ԱԶԳ» ՕՐԱԹԵՐԹ #6, 2013-01-29ՀԱՄԱՆԱԽԱԳԱՀՆԵՐԸ ՀԻՇԵՑՐԵԼ ԵՆ ԻՐԵՆՑ ՀԱՅՏԱՐԱՐՈՒԹՅՈՒՆՆԵՐԸՔաղաքացիական չվերթերի վրա հարձակումն անթույլատրելի է Որեւէ առիթով Ադրբեջանից հաճախ են արվում հայտարարություններ, թե Մինսկի խմբի ձեւաչափն իրեն սպառել է կամ չի արդարացնում, բնականաբար, Ադրբեջանի հույսերը: Սակայն երբ հարցը գալիս է պաշտոնական փաստաթղթերին ու հայտարարություններին, Ադրբեջանն ամենայն հանգստությամբ հայտարարում, անգամ Ալիեւ կրտսերի դեպքում ստորագրում է հայտարարություններ, թե այս ձեւաչափը հարմար է ու գործուն: Երեկ Փարիզում հանդիպել են Հայաստանի եւ Ադրբեջանի արտգործնախարարները` ԵԱՀԿ Մինսկի խմբի համանախագահներ Իգոր Պոպովի, Ժակ Ֆորի եւ Յան Քելլիի հետ համատեղ: «Արտգործնախարարները եւ համանախագահները ընդգծել են ԵԱՀԿ Մինսկի խմբի կարեւորությունը որպես ղարաբաղյան հակամարտության կարգավորման բանակցությունների ձեւաչափ», ասվում է ԵԱՀԿ պաշտոնական կայքէջում տեղադրված հայտարարությամբ: Ասել է թե Ադրբեջանը հերթական անգամ համաձայնել է ձեւաչափին, սակայն բնավ էլ երաշխավորված չէ, որ հենց այսօր Ադրբեջանից հակառակը պնդող հայտարարություններ կարվեն բարձր մակարդակով: Ամեն դեպքում, Փարիզի հանդիպմանը շարունակվել են քննարկումները խաղաղ գործընթացի աշխատանքային առաջարկների շուրջը, որ «կողմերին ներկայացվել են 2012-ի հոկտեմբերին»: Քննարկել են նաեւ Ստեփանակերտից քաղաքացիական չվերթերի հարցը` հղում անելով ԵԱՀԿ Մինսկի խմբի համանախագահների 2011 թ. ապրիլի 14-ի եւ 2012-ի հուլիսի 13-ի հայտարարություններին, որոնցում մասնավորապես շեշտվում էր, որ քաղաքացիական չվերթերի վրա հարձակումն անթույլատրելի է, միեւնույն ժամանակ, այդ չվերթերը կարգավորում չեն նշանակում: Վ. Պ. https://www.archive.azg.am/AM/2013012903 © AZG Daily, 2008 |