ՈՒՂԱՐԿԵԼ ԽՄԲԱԳՐԻՆ
Եթե կա անհրաժեշտություն ստանալ պատասխան խմբագրությունից, ապա խնդրում ենք հաղորդագրության մեջ նշել նաև Ձեր էլ.հասցեն։
ԳՈՐԳԵՐԻ ՎԵՐԱԿԱՆԳՄԱՆ ՀԱՅԿԱԿԱՆ ԿԵՆՏՐՈՆ ԴԵՏՐՈՅԹՈՒՄ
«Այն ինչ հին է, կարող է դառնալ նոր: Գորգերի վերականգնման այս կենտրոնը Դետրոյթում, Էդմոնդ Հակոբյանի եւ նրա քրոջ` Անժելայի ջանքերի շնորհիվ, բացառիկ առիթ է ստեղծելու հին գորգերը վերանորոգելու եւ եթե ցանկություն կա նոր գորգերին մի փոքր հնացած տեսք տալու», գրում է Հեդլի Քելլերը Դետրոյթի «Architectural Digest» պարբերականում: Նա հարցազրույց է ունեցել Հակոբյանների հետ, որոնք նշել են, որ այժմ շուկայում փնտրվածը եզակի ինքնության գորգերն են: «Մենք փորձում ենք դեմ գնալ զանգվածային արտադրության նմուշներին, սպառողին առաջարկելով չկրկնվող, եզակի նմուշներ: Մենք նաեւ մաքրում ենք, վերանորոգում եւ գույների վերականգնում կատարում: Հարկ եղած դեպքում հանձն ենք առնում ձրի առաքում, եթե պատվերը այլ հեռավոր վայրից է», նշել է Էդմոնդ Հակոբյանը , ով մեծացել է գորգագործների ընտանիքում:
«Էդմոնդը եւ Անժելան համարձակ մուտք են գործում ժամանակակից շուկա եւ ցուցադրում իրենց արտադրանքը Բրուքլինի տոնավաճառում, մի քայլ առաջ անցնելով ուրիշներից», գրում է ակնարկի հեղինակ Հեդլի Քելլերը:
Հ. Ծ.
https://www.archive.azg.am/AM/2017061617
© AZG Daily, 2008