ՈՒՂԱՐԿԵԼ ԽՄԲԱԳՐԻՆ
Եթե կա անհրաժեշտություն ստանալ պատասխան խմբագրությունից, ապա խնդրում ենք հաղորդագրության մեջ նշել նաև Ձեր էլ.հասցեն։
ԳԻՏԵ՞Ք ԱՐԴՅՈՔ
Խաչատուր Աբովյանը հայ ժողովրդի հանճարեղ այն լուսավորիչներից էր, ով ասպարեզ եկավ պատմականորեն ամենադժվարին ժամանակներում: Խորապես գիտակցելով ստեղծված ծանր վիճակը եւ սպասվող մարտահրավերները, Աբովյանը կարողացավ անել անկարելին եւ ամբողջությամբ նվիրվեց հայ ժողովրդի փրկության վեհ եւ սուրբ գործին: Նա ոչ միայն մեծատաղանդ մտավորական էր, այլ նաեւ մեծ փիլիսոփա, լեզվաբան եւ հասարակական ակտիվ գործիչ: Անգնահատելի է նրա ծանրակշիռ ավանդը հայ ժողովրդին պատուհասած դժվարին ժամանակներում:
Խ. Աբովյանը տնից դուրս եկավ եւ չվերադարձավ: Բազում ծրագրեր մնացին անավարտ: Խ. Աբովյանի գործն անմահ է:
Ներկայումս քչերը գիտեն, որ հայ մեծ լուսավորիչ Խաչատուր Աբովյանը անմիջական առնչություն ունի Երեւանում օդերեւութաանական չափումների իրականացման գործի հետ: 1844 թվականին Դորպատի համալսարանի երկրաբանության ամբիոնի վարիչ, պրոֆեսոր Հերման Աբիխը ծանոթացել էր Խաչատուր Աբովյանի հետ եւ նրան մասնակից դարձրել իր գիտարշավին: Ի դեպ, Հ. Աբիխը հսկայական ծառայություններ ունի Անդրկովկասի երկրաբանական կառուցվածքի ուսումնասիրության բնագավառում: Նրա խնդրանքով Խ. Աովյանը Երեւանի գավառական ուսումնարանում 1844-1845 թվականների ընթացքում կազմակերպել է օդերեւութաբանական դիտարկումներ: Կատարվել են օդերեւութաբանական, ծանրաչափական, ջերմաչափական եւ խոնավաչափական դիտարկումներ: Այս տարի լրանում է այս պատմական իրողության 175 ամյակը: Կարծում եմ կարող ենք նշել այս հոբելյանը պատշած մակարդակով:
Ստեփան ՊԱՊԻԿՅԱՆ, Հայկական էներգետիկական ակադեմիայի հիմնադիր նախագահ, տեխնիկական գիտությունների թեկնածու
https://www.archive.azg.am/AM/2019091312
© AZG Daily, 2008